آپ ہندو، ہندو کیا کررہے ہیں؟ بھارتی میڈیا کو آئینہ دکھانے پر اداکار شتروگھن سنہا تنقید کی زد میں

ممبئی (ڈیلی پاکستان آن لائن) بالی ووڈ اداکار شتروگھن سنہا نے پہلگام حملے کے بعد صحافیوں کی تنقید کرتے ہوئے کہا کہ حملے میں ہلاک ہونے والے افراد کو 'ہندو' کیوں کہہ رہے ہیں؟ ان کے مطابق وہاں ہندو، مسلمان سب بھارتی ہیں۔

یہ بھی پڑھیں: سندھ ایسوسی ایشن نے دبئی میں میگا میوزیکل نائٹ اور متحدہ عرب امارات کا قومی دن منایا

حملے کے پس منظر میں سیاسی پروپیگنڈا

نجی سوشل میڈیا ویب سائٹ وی نیوز کے مطابق، اداکار نے کہا کہ مودی اور ان کی حکومت کی جانب سے پروپیگنڈا کیا جا رہا ہے۔ انہوں نے کہا کہ اس واقعے کو گہرائی کے ساتھ سمجھنے کی ضرورت ہے اور ہمیں ایسی کوئی بات نہیں کرنی چاہئے جس سے تناو¿ بڑھے۔ اس وقت زخموں پر مرہم کی ضرورت ہے۔

یہ بھی پڑھیں: سندھ میں محکمہ اینٹی کرپشن کی ری سٹرکچرنگ پر کام شروع ، شکایات کیسے رپورٹ ہونگی ۔۔؟ جانیے

تنقید کا سامنا

پہلگام واقعے پر بیان دینے کے بعد، شتروگھن سنہا شدید تنقید کا نشانہ بن گئے۔ ایک صارف نے کہا کہ ان کا مسلمانوں میں آنا جانا ہو گا۔

ایک بھارتی صارف نے وضاحت کی کہ 'پوری سنہا فیملی کا ان کے داماد نے برین واش کر دیا ہے'۔

انجو نامی صارف نے لکھا کہ 'جس کی بیٹی مسلمان لڑکے سے شادی کرے گی، اس کو ہندوو¿ں سے مسئلہ تو ضرور ہو گا'۔

یہ بھی پڑھیں: پی ٹی آئی کے خلاف آپریشن کی رات ہسپتالوں کی کیا صورتحال تھی؟ پاکستانی ڈاکٹر کی بی بی سی سے گفتگو

ریحام خان کا تبصرہ

سابق اینکر اور عمران خان کی سابق اہلیہ ریحام خان نے شتروگھن سنہا کے بیان پر تبصرہ کرتے ہوئے کہا کہ 'ایک فلمی اداکار کے سفارتی ہنر اکثر پیشہ ور سیاستدانوں سے کہیں بہتر ہوتے ہیں'۔ شتروگھن سنہا کو سلام، انہوں نے مزید کہا کہ شاید سیاستدانوں کو ان سے کچھ سیکھنا چاہئے۔

متضاد رائے

جہاں کئی بھارتی صارفین اداکار پر تنقید کرتے نظر آئے، وہیں کچھ بھارتی صارفین شتروگھن سنہا کی بات سے متفق نظر آئے اور ان کا کہنا تھا کہ وہ بالکل ٹھیک کہہ رہے ہیں۔