نہم جماعت کے پیپر لیک کیس میں ملوث ملزم گرفتار، اینٹی کرپشن کے حوالے، سخت قانونی کارروائی ہوگی: وزیر تعلیم

گرفتاری کی تفصیلات

لاہور (ڈیلی پاکستان آن لائن) وزیر تعلیم رانا سکندر حیات اور چیئرمین ٹاسک فورس برائے تعلیمی اصلاحات مزمل محمود کی خصوصی ہدایت پر نہم جماعت کے پیپر لیک کرنے میں ملوث، روپوش ملزم سرفراز کو گوجرانوالہ سے گرفتار کر لیا گیا۔

یہ بھی پڑھیں: ایس آئی ایف سی کی ایگزیکٹو کمیٹی کا 11واں اجلاس، اہم منصوبوں اور شعبوں کی پیشرفت کا تفصیلی جائزہ

ملزم کی کارروائیاں

ملزم سرفراز نے امیدوار علی حیدر کو گوجرانوالہ بورڈ کے 6 پرچے مہیا کیے تھے۔ سرفراز نے امیدوار کو لاہور سے گوجرانوالہ پیپر دینے کیلئے بلایا اور موبائل فارمیٹ میں کیمسٹری، ترجمتہ القرآن، انگلش، کمپیوٹر، اور ریاضی کے پرچے فراہم کیے۔ سرفراز کو مزید تحقیقات کیلئے اینٹی کرپشن کے حوالے کر دیا گیا۔

یہ بھی پڑھیں: شوہر نے پوڈکاسٹ انٹرویو دیکھ کر پسند کیا: تزئین حسین نے دلچسپ کہانی سنادی

ملزم کی شناخت اور روپوشی

ملزم سرفراز گوجرانوالہ بورڈ میں ملازم ہے جو معاملہ منظر عام پر آنے کے بعد روپوش ہو گیا تھا۔

یہ بھی پڑھیں: پاکستان نے بھارت کے لیے فضائی حدود کی بندش میں مزید ایک ماہ کی توسیع کردی

دوسری گرفتاری

دوسری جانب وزیر تعلیم اور چیئرمین ٹاسک فورس مزمل محمود کی ہدایت پر نہم جماعت پیپر لیک کیس میں امیدوار علی حیدر کو بھی گرفتار کر لیا گیا۔

وزیر تعلیم کا بیان

وزیر تعلیم رانا سکندر حیات نے کہا ہے کہ وزیر اعلیٰ پنجاب کے ویژن کے مطابق میرٹ کی خلاف ورزی پر زیرو ٹالیرنس پالیسی ہے۔ علی حیدر اور سرفراز دونوں کے خلاف قانونی کارروائی ہوگی۔