اداکارہ تزئین حسین نے دوسری شادی کرلی
تزئین حسین کی نئی شروعات
کراچی(ڈیلی پاکستان آن لائن) سینئر اداکارہ تزئین حسین نے شوہر کی وفات کے تقریبا پانچ سال بعد دوسری شادی کرکے نئی زندگی کا آغاز کردیا۔
یہ بھی پڑھیں: دولہے کے ساتھ انوکھا فراڈ، دلہن کی جگہ ساس سے شادی کرا دی گئی
خاندانی پس منظر
تزئین حسین سینئر مرحوم اداکار طلعت حسین کی صاحبزادی ہیں، جن کے پہلے شوہر زاہد حسین جون 2020 میں ہارٹ اٹیک کے باعث انتقال کر گئے تھے۔
یہ بھی پڑھیں: حضرت خواجہ نظام الدین اولیا کا عرس، 82 پاکستانی زائرین کو ویزے جاری
پہلی شادی اور بچے
تزئین حسین نے پہلی شادی یونیورسٹی کی تعلیم کے دوران کی تھی اور انہیں پہلے شوہر سے تین بچے بھی ہیں جو اب جوان ہیں۔
یہ بھی پڑھیں: بھرتیوں کا سارا ریکارڈ جمع کرائیں، پتہ چلے کس نے انٹرویو کیا، کس کا رشتے دار بھرتی ہوا؛سپریم کورٹ کے کیس میں ریمارکس
شوبز کی دنیا میں واپسی
تزئین حسین نے نوجوانی میں ہی 1990 کی دہائی میں اداکاری میں قدم رکھا تھا لیکن شادی کے بعد بچوں کی پیدائش کے بعد انہوں نے شوبز کو خیرباد کہ دیا تھا۔
انہوں نے تقریباً 20 سال بعد 2023 میں ’یوں ہی‘ نامی ڈرامے سے اداکاری کا دوبارہ آغاز کیا تھا اور اب دوبارہ اداکاری کرنے کے دو سال بعد انہوں نے دوسری شادی بھی کر لی۔
یہ بھی پڑھیں: فیلڈ مارشل عاصم منیر کا شکریہ کہ وہ جنگ کی طرف نہیں گئے، پاکستان کے ساتھ تجارتی معاہدے پر بات چیت ہو رہی ہے: ٹرمپ کی ملاقات کے بعد گفتگو
شادی کی تصاویر
تزئین حسین کی سہیلی سائرہ دانش احمد نے اداکارہ کی شادی کی تصاویر اور ویڈیو شیئر کرتے ہوئے اداکارہ کی نئی زندگی سے متعلق بتایا۔
یہ بھی پڑھیں: نواز شریف اور وزیراعلیٰ مریم نواز سے سعودی عرب کے سفیر نواف بن سعید المالکی کی اہم ملاقات
مداحوں کا ردعمل
سائرہ دانش احمد نے 25 اپریل کو انسٹاگرام پر تزئین حسین کی شادی کی متعدد تصاویر اور ویڈیوز شیئر کیں، جن میں اداکارہ اور ان کے قریبی دوستوں اور رشتے داروں کو دیکھا جا سکتا ہے۔
اداکارہ کی دوسری شادی کی وائرل ہونے والی تصاویر میں انہیں سرخ رنگ کے عروسی لباس میں دیکھا جا سکتا ہے جب کہ ان کے شریک حیات کو بھی روایتی لباس میں دیکھا جا سکتا ہے۔
شادی کی تقریب انتہائی سادہ رکھی گئی، جس میں دونوں کے قریبی رشتے داروں اور دوستوں نے شرکت کی اور ان کی شادی کی تصاویر وائرل ہوگئیں۔
تزئین حسین کی دوسری شادی کی تصاویر وائرل ہونے پر مداحوں اور شوبز شخصیات نے ان کے لیے نیک خواہشات کا اظہار کرتے ہوئے انہیں مبارک باد بھی پیش کی۔
نیا رشتہ
تزئین حسین نے قریبی دوست عامر سیدین سے شادی کی، جو کہ پیشے کے لحاظ سے بینکار ہیں۔
