بھارت کی ریاستی دہشتگردی کے خلاف سکھ رہنما بھی بول پڑے: “ہم انڈین آرمی کو پنجاب سے گزر کر پاکستان پر حملہ نہیں کرنے دیں گے” سکھ تنظیم نے اہم اعلان کر دیا

بھارت کی ریاستی دہشت گردی کے خلاف سکھ رہنما کی آواز

لاہور (طیبہ بخاری سے) بھارت کی ریاستی دہشت گردی کے خلاف سکھ رہنما بھی بول پڑے۔ "ہم انڈین آرمی کو پنجاب سے گزر کر پاکستان پر حملہ نہیں کرنے دیں گے" سکھ تنظیم نے ایک اہم اعلان کیا۔

یہ بھی پڑھیں: چیمپئنز ٹرافی کے لیے بھارت سے اچھے اشارے مل رہے ہیں، وسیم اکرم نے اندر کی بات بتا دی

بھارت کے اقلیتوں پر مظالم

تفصیلات کے مطابق رہنما تحریکِ خالصتان گرپتونت سنگھ پنوں نے پاکستان کے ساتھ اظہار یکجہتی کیا ہے اور کہا ہے کہ بھارت کے اقلیتوں بالخصوص سکھوں پر مظالم سب پر عیاں ہیں۔ ہم پاکستانی عوام کے ساتھ اینٹ کی طرح کھڑے ہیں۔ یہ نہ تو 1965 ہے نہ 1971 بلکہ 2025 ہے۔ ہم انڈین آرمی کو پنجاب سے گزر کر پاکستان پر حملہ نہیں کرنے دیں گے۔ پاکستان کا نام ہی پاک ہے۔

یہ بھی پڑھیں: پنجاب کی جیلوں میں ریفارمز کا سلسلہ جاری، بخشی خانوں کی بہتری کیلئے مراسلہ بھیج دیا گیا

سکھوں کی حمایت اور دفاع

گرپتونت سنگھ پنوں نے یہ بھی کہا کہ ہم 2 کروڑ سکھ پاکستان کے ساتھ کھڑے ہیں، انڈیا کی اتنی ہمت نہیں کہ وہ پاکستان پر حملہ کرے۔ ہماری روایت ہے کہ نہ ہم نے کبھی پہلے حملہ کیا ہے نہ پہلے حملہ کریں گے، جس نے بھی حملہ کیا وہ بچا نہیں، پھر چاہے اندرا گاندھی ہو، نریندر مودی ہو یا امیت شاہ۔ ہم مودی، اجیت ڈول، امیت شاہ اور جے شنکر کو عالمی قوانین کے تحت کٹہرے میں کھڑا کریں گے۔

پہلگام میں حالیہ واقعہ

گرپتونت سنگھ پنوں کا مزید کہنا تھا کہ پہلگام میں جو ہوا، انہوں نے اپنے ہی ہندوؤں کو خود مار دیا۔ اس حملے کا مقصد راج نیتی اور ووٹ کا حصول ہے۔