پاک بھارت کشیدہ صورتحال کے بعد بحیرہ عرب میں تعینات بھارتی بیڑہ ‘آئی این ایس وکرانت، اچانک واپس نیول اسٹیشن پہنچ گیا

آئی این ایس وکرانت کی اچانک واپسی

نئی دہلی (ڈیلی پاکستان آن لائن) بھارتی بحریہ کا جدید طیارہ بردار جہاز "آئی این ایس وکرانت" اچانک نامعلوم وجوہات کی بنا پر بحیرہ عرب سے واپس نیول اسٹیشن کاروار پہنچ گیا ہے۔

یہ بھی پڑھیں: کراچی میں باپ نے بیٹے کو گرم توے پر بٹھا کر لوہے کے راڈ سے تشدد کا نشانہ بنا دیا

سیٹلائٹ تصاویر اور حکومتی وضاحت

سیٹلائٹ تصاویر سے ظاہر ہوتا ہے کہ آئی این ایس وکرانت اب بھارتی نیول بیس پر لنگر انداز ہے، تاہم بھارتی حکام کی جانب سے اس اچانک واپسی کی کوئی باضابطہ وضاحت سامنے نہیں آئی۔ بھارتی بحری بیڑے کی واپسی سے متعلق فی الحال کوئی مصدقہ اطلاعات نہیں ہیں۔ آئی این ایس وکرانت بھارت کا جدید ترین اور خود ساختہ ایئر کرافٹ کیریئر ہے۔

یہ بھی پڑھیں: کیا واقعی مانع حمل دوا سے لاکھوں خواتین کے دماغ میں ٹیومر پیدا ہوگیا؟ تشویش کی لہر دوڑ گئی

بھارت اور پاکستان کے درمیان کشیدگی

واضح رہے کہ بھارت اور پاکستان کے درمیان بڑھتی ہوئی کشیدگی کے پیش نظر بھارتی بحریہ نے اپنا طیارہ بردار جہاز "آئی این ایس وکرانت" ریاست کرناٹک کے ساحلی علاقے کاروار کے قریب بحیرہ عرب میں تعینات کیا تھا۔ یہ پیش رفت پہلگام میں ہونے والے دہشت گرد حملے کے بعد سامنے آئی ہے جس میں 26 بھارتی شہری جان سے ہاتھ دھو بیٹھے تھے۔

اسٹرائیک گروپ کی موجودگی

25 اپریل 2025 کی سیٹلائٹ تصاویر میں دیکھا گیا تھا کہ وکرانت کے ساتھ ایک مضبوط اسٹرائیک گروپ بھی موجود تھا، جس میں ایک ڈسٹرائر، ایک فریگیٹ، ایک اینٹی سب میرین وارشپ اور دیگر معاون جہاز شامل تھے۔