وفاقی وزیرداخلہ محسن نقوی سے غیر ملکی سرمایہ کار کمپنیوں کے وفد کی ملاقات

ملاقات کا پس منظر

لاہور ( ڈیلی پاکستان آن لائن ) وفاقی وزیرداخلہ محسن نقوی سے غیر ملکی سرمایہ کار کمپنیوں کے وفد نے ملاقات کی۔ ملاقات میں سرمایہ کاروں کے تحفظ اور سرمایہ کاری کو محفوظ بنانے کیلئے کیے گئے اقدامات پر تبادلہ خیال کیا گیا۔

یہ بھی پڑھیں: 1 مئی مقدمات: خدیجہ شاہ سمیت 8 ملزمان کے وارنٹ گرفتاری جاری

سرمایہ کاروں کی حفاظت کی یقین دہانی

وزیر داخلہ محسن نقوی نے وفد کی تجاویز کو نوٹ کیا اور ہر ممکن تعاون فراہم کرنے کی یقین دہانی کرائی۔ انہوں نے یقین دلایا کہ پاکستان ہر طرح کی سرمایہ کاری کے لئے محفوظ ملک ہے، پاکستان میں سرمایہ کاری کرنے والے انویسٹرز کا تحفظ ہماری حکومت کی اولین ترجیح ہے۔ حکومت نے سرمایہ کاری کے تحفظ کیلئے تمام تر اقدامات کئے ہیں۔

یہ بھی پڑھیں: تاریخی لمحات۔۔۔ ایرانی وفد کا پرتپاک استقبال، فیلڈ مارشل عاصم منیر اور وزیرخارجہ اسحاق ڈار سمیت دیگر حکام نے خیرمقدم کیا (ویڈیو دیکھیں)

حملوں کا سخت نوٹس

بعض شرپسندوں کے حملوں کا سخت نوٹس لیا گیا ہے اور ملزمان کے خلاف قانون کے مطابق کارروائی کی جا رہی ہے۔ مستقبل میں ایسے واقعات کی روک تھام کیلئے حکمت عملی وضع کر لی گئی ہے۔

یہ بھی پڑھیں: ایل پی جی کے گھریلو سیلنڈر کی قیمت میں 69 روپے 44 پیسے کی کمی، اوگرا نے نوٹیفکیشن جاری کر دیا

اسلامی تعلیمات اور سرمایہ کاروں کے تحفظ کی ذمہ داری

وفاقی وزیرداخلہ محسن نقوی نے اس بات پر زور دیا کہ ہمارا دین اسلام امن و آشتی کا درس دیتا ہے، اور انہوں نے اس عزم کا اعادہ کیا کہ سرمایہ کاروں کے تحفظ کی ذمہ داری ہر صورت نبھائی جائے گی۔