30 اپریل تک ملک میں درجہ حرارت معمول سے زیادہ رہنے کا امکان

موسم کا عمومی حال

اسلام آباد(ڈیلی پاکستان آن لائن) ملک کے بیشتر علاقوں میں آج موسم گرم اور خشک رہے گا۔ محکمہ موسمیات کے مطابق آج سے 30 اپریل تک ملک میں درجہ حرارت معمول سے 7 ڈگری زیادہ رہنے کا امکان ہے۔ اسلام آباد میں درجہ حرارت میں 6 ڈگری کا اضافہ متوقع ہے جبکہ کشمیر اور گلگت بلتستان میں بھی موسم گرم اور خشک رہے گا۔

یہ بھی پڑھیں: وفاقی کابینہ کا اجلاس دو مرتبہ تاخیر کا شکار ہونے کے بعد ملتوی کر دیا گیا

پچھلے 24 گھنٹوں کی صورتحال

نجی ٹی وی چینل ہم نیوز کے مطابق گزشتہ 24 گھنٹوں کے دوران بھی ملک بھر میں موسم گرم اور خشک رہا۔ محکمہ موسمیات کے مطابق شہید بینظیر آباد میں گزشتہ روز سب سے زیادہ درجہ حرارت 48 ڈگری سینٹی گریڈ ریکارڈ کیا گیا۔

یہ بھی پڑھیں: این اے 241 مبینہ دھاندلی کیس، الیکشن کمیشن و دیگر سے دلائل طلب

کراچی میں گرمی کی شدت

کراچی بھی شدید گرمی کی لپیٹ میں ہے۔ آج پارہ 38 ڈگری سینٹی گریڈ تک جانے کا امکان ہے، تاہم شام کے وقت سمندری ہوائیں بحال ہونے کا امکان ظاہر کیا گیا ہے جس سے موسم میں کچھ بہتری متوقع ہے۔

یہ بھی پڑھیں: لوگ ہوتے ہوئے آباد بھی آباد نہیں …

پنجاب میں گرمی کی لہریں

بڑھتے درجہ حرارت نے اپریل کے مہینے میں جون کی گرمی کا احساس دلا دیا ہے، لاہور سمیت پنجاب بھر میں گرمی کی شدید لہر برقرار ہے، درجہ حرارت 40 ڈگری سے تجاوز کر چکا ہے۔

یہ بھی پڑھیں: سنیل شیٹی نے داماد کے ایل راہل کے ساتھ مل کر کروڑوں کی زمین خرید لی

بچوں کی تعلیمی صورتحال

شدید گرمی کے باعث بچوں کیلئے سکول جانا محال ہو گیا ہے۔ طلبہ اور والدین گرمیوں کی جلد از جلد چھٹیوں کے منتظر ہیں۔

علاقائی خدشات

شہریوں کا کہنا ہے کہ درجہ حرارت روز بروز بڑھ رہا ہے جس سے بچے بیمار ہو رہے ہیں۔ والدین اور اساتذہ کی جانب سے محکمہ تعلیم کو گرمیوں کی چھٹیوں کے شیڈول میں تبدیلی کی تجاویز بھی دی جا رہی ہیں۔