لندن میراتھن میں 40 پاکستانیوں کی شرکت، کینیا کے سیباسشین ساوے فاتح قرار پائے

لندن (ڈیلی پاکستان آن لائن) میں ہونے والی 2025 کی میراتھن میں خواتین کی کیٹیگری میں ایتھوپیا کی ٹگسٹ آصیفہ نے شاندار کارکردگی کے ساتھ مقررہ فاصلہ 2 گھنٹے 15 منٹ 50 سیکنڈز میں طے کیا جبکہ مردوں کی کیٹیگری میں کینیا کے سیباسشین ساوے نے 2 گھنٹے 2 منٹ 27 سیکنڈز میں اپنے حصے کا فاصلہ مکمل کر کے پہلی پوزیشن حاصل کی۔

یہ بھی پڑھیں: ویڈیو: سرگودھا والوں کو کم قیمت میں مزید خوبصورت بنانے کے لیے Aesthetic Hub کا افتتاح کر دیا گیا

دوسرے اور تیسرے نمبر کے فاتحین

یوگنڈا کے جیکب کپلیمو نے 2 گھنٹے 3 منٹ 37 سیکنڈز میں دوڑ مکمل کر کے دوسرے نمبر پر اپنا نام درج کروایا جبکہ کینیا کے کھلاڑی نے 2 گھنٹے 4 منٹ 20 سیکنڈز میں اس دوڑ کا خاتمہ کیا اور تیسرے نمبر پر رہے۔ خواتین کی کیٹیگری میں کینیا کی جوسلین کیپکوسگی دوسرے جبکہ ہالینڈ کی صفان حسان تیسرے نمبر پر رہیں۔

یہ بھی پڑھیں: باہر بیٹھ کر ہمیں نہ بتائیں کہ پاکستان کے لیے کیا ضروری ہے، بعض لوگ خود کو پاکستان سے مقدم سمجھتے ہیں، عظمیٰ بخاری

شرکت کرنے والے ایتھلیٹس کی تعداد

دنیا بھر کی 6 بڑی میراتھن ریسز میں سے ایک، لندن میراتھن 2025 میں 56 ہزار سے زائد ایتھلیٹس نے شرکت کی۔ اس میں پاکستان سے تعلق رکھنے والے 40 سے زائد ایتھلیٹس اور سمندر پار پاکستانی بھی شامل تھے۔

پاکستان کے تیز ترین فنشر

اسلام آباد سے تعلق رکھنے والے فرقان مسعود 3 گھنٹے، 10 منٹ اور 7 سیکنڈ کے وقت کے ساتھ تیز ترین پاکستانی فنشر بنے۔ اسلام آباد رننگ کلب کی نمائندگی کرنے والے فرقان مسعود نے ریس کے پہلے ہاف میں مضبوط رفتار برقرار رکھی، تاہم بعد میں غیر متوقع طور پر گرمی کی شدت کی وجہ سے انہیں تھکاوٹ کا سامنا کرنا پڑا۔