بی آئی ایس پی کے تحت سرکاری ملازمین کی بیگمات پنشرز اور انکے اہل خانہ کوبھی ادائیگیوں کا انکشاف

اسلام آباد میں بے نظیر انکم سپورٹ پروگرام کا انکشاف

اسلام آباد (ڈیلی پاکستان آن لائن) بے نظیر انکم سپورٹ پروگرام (بی آئی ایس پی) کے تحت سرکاری ملازمین کی بیگمات، پنشنرز اور ان کے اہل خانہ کو بھی ادائیگیوں کا انکشاف ہوا ہے.

یہ بھی پڑھیں: سی ایم انسپکشن ٹیم اور صوبائی معاون خصوصی شعیب مرزا کا ٹی ایچ کیو کوٹ مومن کا دورہ، ڈاکٹر غائب، مریض پریشان

پبلک اکاؤنٹس کمیٹی کا اجلاس

نجی ٹی وی جیو نیوز کے مطابق، چیئرمین پبلک اکاؤنٹس کمیٹی جنید اکبر کی زیر صدارت پارلیمنٹ کی پبلک اکاؤنٹس کمیٹی کا اجلاس ہوا، جس دوران بی آئی ایس پی کے تحت سرکاری ملازمین کی بیگمات، پنشنرز اور ان کے اہل خانہ کو ادائیگیوں کا انکشاف ہوا ہے.

یہ بھی پڑھیں: ڈی ایچ اے لاہور پنجاب ٹینس چیمپئن شپ: ہادی حسین اور بسمل ضیاء نے سنگلز ٹائٹلز جیت لیے

غیر قانونی ادائیگیاں

آڈٹ حکام کے مطابق، سرکاری ملازمین کی بیگمات کو 8 کروڑ 98 لاکھ کی غیر قانونی ادائیگی کی گئی۔ 2352 سرکاری ملازمین اور 704 پنشنرز کی بیگمات کو ادائیگیاں کی گئیں. آڈٹ حکام نے انکشاف کیا کہ بی آئی ایس پی پالیسی کے تحت 30 ہزار سے زیادہ پنشن لینے والے افراد اہل نہیں تھے.

یہ بھی پڑھیں: بلدیاتی ضمنی انتخابات، سندھ حکومت نے 24 ستمبر کو 14 اضلاع میں عام تعطیل کا اعلان کر دیا

ادائیگیوں کی تفصیلات

گریڈ 1 سے گریڈ 20 تک کے ملازمین کے اہل خانہ کو ادائیگیاں کی گئیں، جس میں گریڈ 15 کے 263، گریڈ 16 کے 42، گریڈ 17 کے 21، گریڈ 18 کے 15، گریڈ 19 کے 11 اور گریڈ 20 کے 3 ملازمین اور پنشنرز بھی رقم لینے والوں میں شامل ہیں.

یہ بھی پڑھیں: جن علاقوں میں جبلی کا بل نہیں بھرا جاتا وہاں لوڈ شیڈنگ ہوتی رہے گی : وزیر خزانہ

سکریٹری کا بیان

اس پر سیکرٹری بے نظیر انکم سپورٹ پروگرام نے کہا کہ اگر کمیٹی چاہے تو ہم ان کے نام سامنے لے آئیں گے، ہمارے پاس ریکوری کے لیے کوئی میکنزم نہیں ہے. ان کی سزا یہ ہے کہ ان کے نام سامنے لائے جائیں.

یہ بھی پڑھیں: قومی ٹیم کا دورہ بنگلہ دیش، نوجوان کھلاڑیوں کو موقع، سینئرز کو آرام دینے پر غور

کمیٹی کے اراکین کے تبصرے

کمیٹی کی رکن شازیہ مری کا کہنا تھا کہ بے نظیر انکم پروگرام میں مختلف فلٹرز لگائے گئے ہیں، اس پروگرام میں معیار سرکاری ملازمین کا نہیں، انکم کا ہے. ثناءاللہ مستی خیل نے کہا کہ رقم لینے والے گریڈ 19 اور 20 کے ملازمین کو گولڈ میڈل دیا جائے.

ایکشن کی ہدایت

بعد ازاں، پی اے سی نے رقم لینے والے گریڈ 19 اور 20 کے افراد کی شناخت کرنے کی ہدایت کردی. چیئرمین کمیٹی نے کہا کہ ان افراد سے رقم ریکوری کے لیے کیا طریقہ کار اپنائیں گے، یہ بھی دیکھا جائے کہ ان افراد کے خلاف کیا کارروائی بنتی ہے.