بھارت کے خلاف پاکستان کے تمام اقدامات کی حمایت کرتے ہیں: بیرسٹر گوہر

راولپنڈی میں اہم بیان

راولپنڈی (ڈیلی پاکستان آن لائن) چیئرمین پی ٹی آئی بیرسٹر گوہر خان نے کہا ہے کہ دشمن کے اقدامات کے مقابلے میں پاکستان کے جو بھی فیصلے کئے گئے، ہم ان کی مکمل حمایت کرتے ہیں۔ انہوں نے مزید کہا کہ پاکستانی میڈیا پر پابندی سے بھارت کے سیکولرازم کا پردہ چاک ہو گیا ہے۔

یہ بھی پڑھیں: لاہور کے مختلف علاقوں میں بارش، ٹھنڈی ہوا سے موسم دلفریب

انڈیا کے خلاف جنگی اتحاد

نجی ٹی وی سما کے مطابق داہگل پولیس ناکے پر میڈیا سے گفتگو میں بیرسٹر گوہر خان نے کہا کہ جب ہم انڈیا کے خلاف متحد ہو کر جنگ لڑنے کی بات کرتے ہیں تو ایسی صورتحال میں رکاوٹیں ڈالنا نامناسب ہے۔

یہ بھی پڑھیں: لاء افسر کہنے لگے؛”آپ کے لئے میاں صاحب نے کچھ پیسے بھیجے ہیں کم ہوں تو بتا دیجئے گا۔ ساتھ ہی ایک تھیلہ میری طرف بڑھادیا“

بھارتی حکام کی غلط اطلاعات

انہوں نے کہا کہ بانی پی ٹی آئی پاکستان کے مقبول لیڈر ہیں اور ان سے ایسی صورتحال میں مشاورت ضروری ہے۔ بیرسٹر گوہر خان نے بھارتی نیوز چینلز پر پابندی کی مذمت کرتے ہوئے کہا کہ بھارت اپنا غلط بیانیہ دنیا کے سامنے پیش کر رہا ہے۔

یہ بھی پڑھیں: کینیڈین پارلیمانی انتخابات: حکمراں لبرلز کو حریف کنزریٹوز پر برتری

نیشنل سیکیورٹی کونسل کی حمایت

ان کا کہنا تھا کہ انڈیا کے لیے فضائی حدود بند کرنا ایک بہترین اقدام ہے اور ہم نے نیشنل سیکیورٹی کونسل کے اعلامیے کی حمایت کی ہے۔

بنیادی مسائل اور عدلیہ کی خلاف ورزی

مزید کہا کہ اگر آج بانی سے ملاقات ہوئی تو ان سے انڈیا کے ساتھ پیدا تناؤ پر بات کروں گا۔ ملاقاتوں میں رکاوٹ ڈالنا غیر مناسب ہے اور عدالتی احکامات کی مسلسل خلاف ورزی ہو رہی ہے۔ لارجر بینچ اور سنگل بینچز کے آرڈر موجود ہیں لیکن ابھی تک ان پر عمل نہیں ہوا۔ چیف جسٹس سے ملاقات میں میں نے ان کو بتایا کہ آپ اپنے احکامات پر عملدرآمد کرائیں۔