جدہ اور مدینہ منورہ میں حج کے پہلے عازمین کا پرتپاک استقبال، تعلق کن ممالک سے ہے؟

سعودی عرب کا حج 2025 کے عازمین کا استقبال

جدہ (ڈیلی پاکستان آن لائن) سعودی عرب نے حج 2025 کے لیے دنیا بھر سے آنے والے عازمین کا استقبال شروع کر دیا ہے۔ منگل کو وزیر ٹرانسپورٹ و لاجسٹک سروسز صالح الجاسر نے کنگ عبدالعزیز انٹرنیشنل ایئرپورٹ جدہ پر بنگلہ دیش سے آنے والی پہلی حج پرواز کے 396 عازمین کا خیرمقدم کیا۔

یہ بھی پڑھیں: ٹرمپ کا ترک صدر سے رابطہ، یوکرین، شام اور غزہ جنگ پر ہونے والی گفتگو کو خوش آئند قرار دیدیا

بنگلہ دیش سے عازمین کا خیر مقدم

عرب نیوز کے مطابق، منگل کو ایک اور پرواز کے ذریعے 414 مزید بنگلہ دیشی عازمین جدہ پہنچے جنہیں سعودی اور بنگلہ دیشی حکام نے خوش آمدید کہا۔ اس سال بنگلہ دیش سے مجموعی طور پر 87 ہزار 100 عازمین حج کی ادائیگی کریں گے۔

یہ بھی پڑھیں: کبھی میں کبھی تم کی آخری قسط کہاں نشر کی جائے گی، فیصلہ ہوگیا

پاکستان کی پہلی پرواز

پاکستان سے مکہ روٹ انیشی ایٹو کے تحت پہلی پرواز 442 عازمین کو لے کر اسلام آباد سے مدینہ پہنچی۔ پاکستانی وزیر مذہبی امور سردار محمد یوسف اور سعودی سفیر نے عازمین کو الوداع کہا۔ اس سال پاکستان سے سرکاری سکیم کے تحت 89 ہزار سے زائد اور نجی سکیم کے تحت 23 ہزار 620 عازمین حج ادا کریں گے۔

یہ بھی پڑھیں: اسلام آباد ہائیکورٹ کے ججز کا نیا ڈیوٹی روسٹر جاری

ملائیشیا کی پہلی پرواز

مکہ روٹ انیشی ایٹو کے تحت ملائیشیا سے بھی پہلی پرواز منگل کو مدینہ پہنچی۔ اس سکیم کے تحت عازمین کی امیگریشن، صحت اور سامان کی تمام کارروائیاں روانگی سے قبل ہی مکمل کر لی جاتی ہیں تاکہ سعودی عرب پہنچنے پر ان کے سفر کو آسان اور سہل بنایا جا سکے۔