یمن پر حملے کرنے والے امریکی بحری جہاز سے مہنگا ترین طیارہ سمندر میں گر گیا، کروڑوں ڈالر کا نقصان

ایف اے 18 فائٹر جیٹ گرنے کا واقعہ

واشنگٹن (ڈیلی پاکستان آن لائن) ایک امریکی ایف اے 18 فائٹر جیٹ پیر کے روز مشرق وسطیٰ میں تعینات امریکی طیارہ بردار بحری جہاز یو ایس ایس ہیری ایس ٹرومن سے حادثاتی طور پر ریڈ سی میں گر گیا۔

یہ بھی پڑھیں: آج بھی مزدور کے ساتھ آئی اس کے گھر کی بنی روٹی، دال، سبزی اور اچار کبھی کبھی ان کے ساتھ بیٹھ کر کھاؤں تو گاؤں کے پرانے دن یاد آ جاتے ہیں

حادثے کی تفصیلات

عرب نیوز کے مطابق نیوی کا کہنا ہے کہ طیارے کو ہینگر ڈیک میں ایک جگہ سے دوسری جگہ منتقل کیا جا رہا تھا کہ اس دوران کنٹرول کھو بیٹھا اور طیارہ ٹو ٹریکٹر سمیت سمندر میں جا گرا۔

یہ بھی پڑھیں: وزیراعظم کو سب سے پہلے سے معلوم ہوتا ہے، تنخواہوں میں اضافے کی تجویز مسترد کرنے کے بعد مفتاح اسماعیل نے اندر کی بات ظاہر کردی

عملے کی حالت

حادثے کے وقت ایک عملہ فائٹر جیٹ کے کاک پٹ میں اور دوسرا ٹو ٹریکٹر پر موجود تھا تاہم دونوں اہلکار طیارہ گرنے سے پہلے چھلانگ لگا کر محفوظ رہے۔ نیوی نے بتایا ہے کہ ایک اہلکار کو معمولی چوٹ آئی ہے۔

یہ بھی پڑھیں: جناح انٹرنیشنل ایئرپورٹ سے شرمناک جرم میں ملوث غیر ملکی خاتون گرفتار

بیان کی وضاحت

بیان کے مطابق "ایف اے8 ای طیارہ ہینگر بی میں ٹو کیا جا رہا تھا کہ عملے نے اس پر سے کنٹرول کھو دیا، جس کے باعث طیارہ اور ٹو ٹریکٹر دونوں سمندر میں جا گرے۔" یہ فائٹر جیٹ سٹریک فائٹر سکواڈرن 136 کا حصہ تھا۔

یہ بھی پڑھیں: اننت امبانی نے لیونل میسی کو 36کروڑ 40لاکھ مالیت کی گھڑی تحفے میں دے دی

ایف اے 18 طیارے کی بحالی

خبر ایجنسی ایسوسی ایٹڈ پریس کے مطابق ایسے طیارے معمول کے مطابق ہینگر ڈیک میں مختلف جگہوں پر منتقل کیے جاتے ہیں تاکہ انہیں پرواز یا مرمت کے لیے تیار رکھا جا سکے۔ اس وقت یہ واضح نہیں کہ چھ کروڑ ڈالر سے زائد مالیت کے اس طیارے کو واپس نکالنے کی کوشش کی جائے گی یا نہیں۔

یو ایس ایس ہیری ٹرومن کی سرگرمیاں

یو ایس ایس ہیری ٹرومن گزشتہ کئی ماہ سے مشرق وسطیٰ میں تعینات ہے اور حالیہ دنوں میں حوثی باغیوں کے خلاف امریکی کارروائیوں میں بھرپور حصہ لے رہا ہے۔ امریکی سینٹرل کمانڈ کے مطابق امریکہ روزانہ کی بنیاد پر حوثیوں کے خلاف جنگی طیاروں، بمباروں، بحری جہازوں اور ڈرونز کے ذریعے حملے کر رہا ہے۔