لاہور سے پہلی حج پرواز 329 عازمین کو لیکر مدینہ روانہ

لاہور سے پہلی حج پرواز

لاہور(ڈیلی پاکستان آن لائن) قبل از حج آپریشن کے لئے لاہور سے پہلی حج پرواز پی کے 747 رات 10 بجکر تیس منٹ پر 329 عازمین حج کو لے کر مدینہ روانہ ہوگئی۔

یہ بھی پڑھیں: وزیرِ اطلاعات اور ڈی جی آئی ایس پی آر کی کچھ دیر بعد بریفنگ

عازمین کی رخصتی

نجی ٹی وی چینل دنیا نیوز کے مطابق عازمین حج کو پی آئی اے کے چیف انفارمیشن ٹیکنالوجی آفیسر سید ثقلین گردیزی، ڈسٹرکٹ منیجر ظہیر الدین اور سٹیشن منیجر اشفاق اعوان نے رخصت کیا اور عازمین کو پھول پیش کئے، لاہور سے 11 ہزار 350 عازمین کو 48 خصوصی پروازوں کے ذریعے حجاز مقدس پہنچایا جائے گا۔

یہ بھی پڑھیں: سموگ اور انتظامی مسائل کے باعث ملک بھر کی 29پروازیں تاخیر کا شکار

پروازوں کے مراحل

پہلے مرحلے میں عازمین کرام کی خصوصی پروازیں پاکستان سے مدینہ کے لئے روانہ ہوں گی جبکہ دوسرے مرحلے میں جدہ جائیں گی، پی آئی اے سے تقریبا 35200 سرکاری عازمین حج کو 117 سے زائد خصوصی پروازوں کے ذریعے حجاز مقدس پہنچایا جائے گا۔

حج آپریشن کی تفصیلات

پی ائی اے پاکستان کے 5 بڑے شہروں اسلام آباد، کراچی، لاہور، ملتان اور کوئٹہ سے براہ راست حج پروازیں آپریٹ کرے گی۔ پی آئی اے کا قبل از حج آپریشن 31 مئی تک جاری رہے گا جبکہ بعد از حج آپریشن کا آغاز 10 جون سے ہوگا اور 10 جولائی کو اختتام پذیر ہوگا۔