اداکار سہیل خان نے اپنی دکان تقریباً 17 لاکھ روپے ماہانہ کرائے پر دے دی

سہیل خان کا کاروباری اقدام

ممبئی (ڈیلی پاکستان آن لائن) بالی وڈ اداکار سہیل خان نے ممبئی کے پوش علاقے باندرہ میں واقع اپنی کمرشل پراپرٹی "گاسپر انکلیو" میں ایک دکان معروف کمپنی "دی آئرش ہاؤس فوڈ اینڈ بیوریجز پرائیویٹ لمیٹڈ" کو کرائے پر دے دی ہے۔

یہ بھی پڑھیں: سائٹ ایسوسی ایشن آف انڈسٹری کا سندھ میں کم ازکم اجرت 42,000 روپے مقرر کرنے پر اظہار تشویش

معاہدہ کی تفصیلات

اس معاہدے کے تحت سہیل خان کو ہر ماہ 16 لاکھ 89 ہزار روپے کرایہ ملے گا۔ انہیں پانچ سال میں مجموعی طور پر تقریباً 10 کروڑ 30 لاکھ روپے کی آمدنی ہوگی۔

یہ بھی پڑھیں: فرخ کھوکھر جمعیت علمائے اسلام میں شامل

تعمیر اور سیکیورٹی ڈپازٹ

ہندوستان ٹائمز کے مطابق یہ معاہدہ مارچ 2025 میں رجسٹر کیا گیا جس میں دکان کا تعمیر شدہ رقبہ تقریباً 1290 مربع فٹ ہے۔ معاہدے کے تحت 60 لاکھ روپے بطور سیکیورٹی ڈپازٹ بھی لیے گئے ہیں۔ کرایے میں باقاعدہ اضافہ بھی شامل ہے جہاں ابتدائی 36 ماہ کے لیے ماہانہ کرایہ 16.89 لاکھ روپے مقرر ہے جو اگلے 24 ماہ کے لیے بڑھا کر 17.73 لاکھ روپے کر دیا جائے گا۔