1 مئی مقدمات؛ پی ٹی آئی رہنما فرحت عباس کی ضمانت قبل از گرفتاری منظور

فرحت عباس کی ضمانت کی منظوری

اسلام آباد(ڈیلی پاکستان آن لائن) سپریم کورٹ نے 9مئی مقدمات میں پی ٹی آئی رہنما فرحت عباس کی ضمانت قبل ازگرفتاری منظور کرلی۔

یہ بھی پڑھیں: اگر چاہتے ہیں کہ جمہوریت کے ثمرات عام لوگوں تک پہنچیں تو بلدیاتی نظام کو مضبوط کرنا پڑیگا: اعظم نذیر تارڑ

محکمہ عدلیہ کی کارروائی

نجی ٹی وی سما نیوز کے مطابق سپریم کورٹ میں 9مئی مقدمہ میں حافظ فرحت عباس کی ضمانت قبل ازگرفتاری کی درخواست پر سماعت ہوئی، جسٹس نعیم اختر افغان کی سربراہی میں 3رکنی بنچ نے سماعت کی۔

یہ بھی پڑھیں: پاکستانی فلم ”گھوسٹ سکول” ریڈ سی انٹرنیشنل فلم فیسٹیول 2025 میں نمائش کے لیے منتخب

وکیل کا مؤقف

وکیل لطیف کھوسہ نے پورے کیس کے حوالے سے دلائل دیتے ہوئے کہا کہ شریک ملزم امتیاز شیخ کی ضمانت قبل از گرفتاری بھی منظور ہوئی۔

یہ بھی پڑھیں: رمضان المبارک میں گھی اور کوکنگ آئل کی قیمتوں میں بڑی کمی کا اعلان

سازش کے الزامات

سپیشل پراسیکیوٹر نے کہاکہ پی ٹی آئی رہنما پر 9مئی کی سازش کا بھی الزام ہے، جس پر جسٹس ہاشم کاکڑ نے کہا کہ سازش کا الزام تو امتیاز شیخ پر بھی تھا۔

یہ بھی پڑھیں: ویڈیو: گاڑی چلاتے 14 سالہ بچے نے تباہی مچا دی، کئی موٹر سائیکل اور گاڑیاں تباہ، ایک شخص جان سے گیا

عدالت کے سوالات

سپیشل پراسیکیوٹر نے کہاکہ حافظ فرحت عباس کو ٹرائل کورٹ مفرور قرار دے چکی ہے، جس پر جسٹس نعیم اختر افغان نے کہا کہ مفرور ہے یا نہیں یہ معاملہ متعلقہ عدالت دیکھ لے گی۔

یہ بھی پڑھیں: ملک بھر میں 1400 سے زائد وٹس ایپ اکاؤنٹس ہیک ہونے کا انکشاف

تحقیقات کی پیشرفت

تفتیش مکمل اور چالان بھی جمع ہو چکا، اب گرفتاری کیا کرنی ہے؟ سپیشل پراسیکیوٹر نے کہاکہ 4ماہ میں ٹرائل مکمل کروا دیں گے۔

سپریم کورٹ کا فیصلہ

جسٹس نعیم اختر افغان نے کہاکہ اللہ کرے آپ 4ماہ میں ٹرائل مکمل کروادیں، بس کر دیں، اب کتنا گھسیٹنا ہے؟ آخر میں سپریم کورٹ نے 9مئی مقدمہ میں حافظ فرحت عباس کی ضمانت قبل ازگرفتاری منظور کرلی۔