1 مئی مقدمات؛ پی ٹی آئی رہنما فرحت عباس کی ضمانت قبل از گرفتاری منظور

فرحت عباس کی ضمانت کی منظوری

اسلام آباد(ڈیلی پاکستان آن لائن) سپریم کورٹ نے 9مئی مقدمات میں پی ٹی آئی رہنما فرحت عباس کی ضمانت قبل ازگرفتاری منظور کرلی۔

یہ بھی پڑھیں: چاہت فتح علی خان نے انڈے پھینکنے کے واقعے پر خاموشی توڑ دی

محکمہ عدلیہ کی کارروائی

نجی ٹی وی سما نیوز کے مطابق سپریم کورٹ میں 9مئی مقدمہ میں حافظ فرحت عباس کی ضمانت قبل ازگرفتاری کی درخواست پر سماعت ہوئی، جسٹس نعیم اختر افغان کی سربراہی میں 3رکنی بنچ نے سماعت کی۔

یہ بھی پڑھیں: قتل اور زیادتی کے جرم میں قید سابق پولیس چیف امریکی جیل سے فرار

وکیل کا مؤقف

وکیل لطیف کھوسہ نے پورے کیس کے حوالے سے دلائل دیتے ہوئے کہا کہ شریک ملزم امتیاز شیخ کی ضمانت قبل از گرفتاری بھی منظور ہوئی۔

یہ بھی پڑھیں: مری میں 22 گھنٹوں بعد رکنے والی برف باری ایک بار پھر شروع ہوگئی ، جھیگا گلی سے ملحقہ ایم آئی ٹی روڈ پر سیاحوں کی گاڑیاں پھنس گئیں۔

سازش کے الزامات

سپیشل پراسیکیوٹر نے کہاکہ پی ٹی آئی رہنما پر 9مئی کی سازش کا بھی الزام ہے، جس پر جسٹس ہاشم کاکڑ نے کہا کہ سازش کا الزام تو امتیاز شیخ پر بھی تھا۔

یہ بھی پڑھیں: دو دہائیوں بعد پنجاب حکومت نے مقامی بینک کے قرضوں کی ادائیگی کر دی

عدالت کے سوالات

سپیشل پراسیکیوٹر نے کہاکہ حافظ فرحت عباس کو ٹرائل کورٹ مفرور قرار دے چکی ہے، جس پر جسٹس نعیم اختر افغان نے کہا کہ مفرور ہے یا نہیں یہ معاملہ متعلقہ عدالت دیکھ لے گی۔

یہ بھی پڑھیں: لاہور: سفاری پارک میں 9 شیر ہلاک

تحقیقات کی پیشرفت

تفتیش مکمل اور چالان بھی جمع ہو چکا، اب گرفتاری کیا کرنی ہے؟ سپیشل پراسیکیوٹر نے کہاکہ 4ماہ میں ٹرائل مکمل کروا دیں گے۔

سپریم کورٹ کا فیصلہ

جسٹس نعیم اختر افغان نے کہاکہ اللہ کرے آپ 4ماہ میں ٹرائل مکمل کروادیں، بس کر دیں، اب کتنا گھسیٹنا ہے؟ آخر میں سپریم کورٹ نے 9مئی مقدمہ میں حافظ فرحت عباس کی ضمانت قبل ازگرفتاری منظور کرلی۔