پاکستان نے پہلگام واقعے کی تحقیقات کے لیے ایک اور حل پیش کر دیا

پاکستان کی اقوام متحدہ سے تحقیقات کی پیشکش

اسلام آباد (ویب ڈیسک) پاکستان نے پہلگام واقعے کی تحقیقات کے لیے اقوام متحدہ کا کمیشن بنانے کی پیشکش کردی۔

یہ بھی پڑھیں: ہائبرڈ ماڈل کے تحت نیوٹرل وینیوپر بھارت کیساتھ میچ قبول نہیں،پی سی بی کا آئی سی سی سے رابطہ ، موقف واضح کردیا

وزیر دفاع کی گفتگو

نجی ٹی وی جیو نیوز کے پروگرام میں گفتگو کرتے ہوئے وزیر دفاع خواجہ آصف نے کہا کہ یا تو دو تین ملک مل کر تحقیقات کرلیں یا پھر اقوام متحدہ کا کمیشن بنادیں۔

یہ بھی پڑھیں: پاکستان اور بھارت خوش ہیں، تجارت پر کام ہورہا ہے:ٹرمپ

بھارت کی تحقیقات کی قبولیت میں ہچکچاہٹ

خواجہ آصف کا کہنا تھا کہ بھارت تحقیقات کی پیشکش اس لیے قبول نہیں کر رہا ہے کہ خوف ہے کہ کچھ اور نہ نکل آئے۔ بات چیت کے امکان کو کسی بھی حالت میں خارج از امکان قرار نہیں دیا جاسکتا، کشیدگی جتنی بھی ہو مذاکرات کا راستہ اپنایا جاتا ہے۔

یہ بھی پڑھیں: مشکلات سے عزم تک: ماسٹر صاحب کی دکان کو نئی زندگی ملنے کی کہانی

پاک بھارت تنازعہ کے امکانات

وزیر دفاع خواجہ آصف کا کہنا تھا کہ پاک بھارت تصادم کا امکان کم ہوا ہے مگر بھارت میں اس وقت بہت بوکھلاہٹ ہے۔ ساری دنیا کہہ رہی ہے کہ معاملہ بات چیت سے حل ہونا چاہیے، امریکا، روس، چین، ترکی، ایران یا کوئی بھی ملک اس تحقیقات کی ابتدا کرے۔

یہ بھی پڑھیں: 67 برس پہلے جب سگریٹ اور چاکلیٹ نے ٹی بی کی وبا کا مقابلہ کیا

پہلگام واقعے کے سوالات

انہوں نے سوال اٹھایا کہ پہلگام میں ایک طرف واقعہ ہو رہا ہے اور دس منٹ میں ایف آئی آر درج ہوگئی۔ پہلگام واقعے کی ساکھ پر بھارت کے اندر سے ہی کریک پڑ گئے ہیں۔

مذاکرات کے تعلقات

خواجہ آصف کا کہنا تھا کہ اس وقت حکومت پاکستان کی جانب سے مشیر قومی سلامتی کے تقرر کا مذاکرات کے معاملے سے کوئی تعلق نہیں ہے۔