دنیا بھر سے ارض مقدس میں حجاج کی آمد کے ساتھ ہی موسم حج کا آغاز ہو گیا

موسم حج کا آغاز

جدہ( محمد اکرم اسد) دنیا بھر سے ارض مقدس میں حجاج کی آمد کے ساتھ ہی موسم حج کا آغاز ہو گیا ہے اور حجاج خدمت کرنے والی فلاح تنظیموں نے بھی اللہ کے مہمانوں کی خدمت کا آغاز کر دیا ہے۔

یہ بھی پڑھیں: ہم درست سمت میں جارہے ہیں، طویل سفر باقی ہے: وزیر خزانہ

حاجی محمد ایوب سیوہاروی ویلفیئر آرگنائزیشن

حاجی محمد ایوب سیوہاروی ویلفیئر آرگنائزیشن بھی جدہ میں ایسی ہی ایک تنظیم ہے جو ہر سال حجاج کی ہر طرح سے خدمات انجام دے رہی ہے۔ ہر سال کی طرح اس سال بھی حجاج کا استقبال ان میں تحائف کی تقسیم سے شروع کیا جا رہا ہے۔

یہ بھی پڑھیں: ایف بی آر کا پراپرٹی کے نئے ریٹ جاری کرنے کا فیصلہ

تحائف کی تقسیم کی تفصیلات

اس تنظیم کے سربراہ حاجی محمد ایوب بہجت نجمی نے بتایا ہے کہ ان کے پاس اس وقت تک حجاج میں تقسیم کرنے کے لئے 263،000 سے زیادہ تحائف جمع ہو چکے ہیں اور امید ہے کہ یہ تعداد 3 لاکھ تک پہنچ جائے گی۔ یہ تحائف روزمرہ کے استعمال کی اشیاء پر مشتمل ہیں۔

یہ بھی پڑھیں: حجرہ شاہ مقیم میں پرائیویٹ افراد لوڈ شیڈنگ کے ذمہ دار نکلے، حیران کن انکشاف

دنیا بھر کے حجاج کے لئے تحائف

دنیا بھر سے آنے والے حجاج میں یہ تحائف تقسیم کیے جائیں گے۔ ان تحائف میں سے 50 فیصد ایشیا کے حجاج کے لئے، 30 فیصد افریقہ کے حجاج، اور 20 فیصد یورپ، امریکہ اور آسٹریلیا کے حجاج میں تقسیم کئے جائیں گے۔

تنظیم کی خدمات کا تسلسل

انہوں نے بتایا کہ ان کی تنظیم گذشتہ 23 سال سے اللہ کے مہمانوں کی خدمت نظم و ضبط سے انجام دے رہی ہے اور آئندہ بھی ان شاءاللہ انجام دیتی رہے گی۔ انہوں نے خیر کے کام کے لئے تحائف دے کر تعاون کرنے والے تمام لوگوں کا شکریہ ادا کیا.