بیمار دلہن سے ہسپتال میں شادی، ویڈیو وائرل ہوگئی

انوکھی شادی کی تقریب

نئی دہلی (آئی این پی) بھارتی ریاست مدھیہ پردیش کے علاقے رائے گڑھ میں ایک انوکھی شادی کی تقریب نے سب کی توجہ حاصل کر لی، جب ایک دولہے نے اپنی بیمار دلہن سے ہسپتال کے او پی ڈی میں شادی کر لی۔

یہ بھی پڑھیں: سونے کی قیمت میں مسلسل ہوشربا اضافے کے بعد معمولی کمی

بیماری کی وجہ سے مشکلات

میڈیارپورٹس کے مطابق دولہا آدتیہ سنگھ اور دلہن نندنی سولنکی نے ہندو تہوار اکشے ترتیا کے موقع پر شادی کرنے کا فیصلہ کیا تھا۔ تاہم، شادی سے کچھ دن قبل نندنی اچانک شدید بیمار پڑ گئیں اور ان کی حالت اس قدر بگڑ گئی کہ وہ چلنے پھرنے سے بھی قاصر ہو گئیں۔

یہ بھی پڑھیں: تحریک انصاف کا کوئی لیڈر لاہور میں نظر نہیں آیا، عالیہ حمزہ کی آڈیو لیک ہوئی

ہسپتال میں علاج

پہلے انہیں ان کے آبائی علاقے کمبھراج کے ایک ہسپتال میں داخل کروایا گیا، لیکن حالت مزید خراب ہونے پر انہیں بنا گنج اور بعد ازاں بیاورا کے ہسپتال منتقل کیا گیا۔ نندنی کی طبیعت میں کچھ بہتری تو آئی، لیکن ڈاکٹروں نے مکمل بیڈ ریسٹ کا مشورہ دیا، جس کی وجہ سے ان کے لیے شادی کی روایتی تقریب میں شرکت ممکن نہ رہی۔

شادی کا انوکھا فیصلہ

اس صورتحال میں دولہا اور دلہن کے اہل خانہ نے ایک انوکھا فیصلہ کیا اور شادی کی تقریب ہسپتال کے او پی ڈی میں منعقد کرنے کا منصوبہ بنایا۔