بھارت کی جانب سے ابھی خطرہ کم نہیں ہوا: وزیر دفاع

بھارت کے خطرات

اسلام آباد (ڈیلی پاکستان آن لائن) وزیر دفاع خواجہ آصف کا کہنا ہے کہ بھارت کی جانب سے ابھی خطرہ کم نہیں ہوا۔ دنیا کے اہم ممالک کی کوشش ہے کہ پاک بھارت تنازع نہ بڑھے۔

یہ بھی پڑھیں: سابق صدر نکسن کے سیکرٹری چک کالسن کو چند سال قید میں گزارنا پڑے، جو لوگ واٹر گیٹ سکینڈل میں ملوث تھے انہیں قانون کے مطابق سزائیں ہوئیں

خواجہ آصف کا انٹرویو

نجی ٹی وی جیو نیوز کے مطابق ایک انٹرویو میں خواجہ آصف نے کہا کہ بھارت کو یہ بات معلوم ہے کہ اگر وہ کچھ کرے گا تو اسے منہ توڑ جواب ملے گا۔ انہوں نے مزید کہا کہ پاکستان نے پہلگام واقعے پر تحقیقات کی پیشکش کی۔ اگر پاکستان یہ پیشکش نہ کرتا تو دنیا سے جارحانہ بیانات آسکتے تھے۔

یہ بھی پڑھیں: ایرانی حملوں کا خوف، اِدھر سائرن بجے، اُدھر اسرائیلی اینکرز نشریات چھوڑ کر بھاگ گئے

تحقیقات کی پیشکش

انہوں نے کہا کہ پاکستان کی تحقیقات کی پیشکش کے تحت 4 سے 5 ممالک کمیشن بنالیں اور رپورٹ پیش کریں۔

خطرے کی شدت

وزیر دفاع نے اپنے انٹرویو میں مزید کہا کہ بھارت کی جانب سے ابھی خطرہ کم نہیں ہوا۔ دنیا کے اہم ممالک کی کوشش ہے کہ پاک بھارت تنازع نہ بڑھے۔