چینی صدر 7 سے 10 مئی روس کا سرکاری دورہ کریں گے

چینی صدر کا روس کا دورہ

ماسکو (ڈیلی پاکستان آن لائن) چینی صدر شی جن پنگ 7 سے 10 مئی تک روس کا سرکاری دورہ کریں گے، جہاں وہ نازی جرمنی کی شکست کی 80 ویں سالگرہ کی تقریبات میں شرکت کریں گے۔

یہ بھی پڑھیں: سیکرٹری پیٹرولیم مومن آغا کی ساس کا انتقال، مرحومہ کے ایصال ثواب کیلئے قرآن خوانی شام ساڑھے پانچ بجے جی او آر ون میں ہوگی

دورے کی تفصیلات

ڈان نیوز نے عالمی خبر رساں ادارے رائٹرز کی رپورٹ کے حوالے سے بتایا کہ روسی حکومت کی جانب سے اتوار کو ٹیلی گرام پر جاری کئے گئے ایک بیان میں کہا گیا ہے کہ شی جن پنگ 7 تا 10 مئی روس کا سرکاری دورہ کریں گے۔ اس دوران وہ صدر ولادیمیر پوتن کے ساتھ دونوں ممالک کی سٹریٹجک شراکت داری کے فروغ پر تبادلہ خیال کریں گے اور متعدد دستاویزات پر دستخط بھی کریں گے۔

یہ بھی پڑھیں: آئی ایم ایف کے ساتھ سٹاف لیول معاہدہ ہوچکا، وفاقی وزیر خزانہ

بات چیت کے موضوعات

بیان میں کہا گیا ہے کہ 'بات چیت کے دوران، جامع شراکت داری اور سٹریٹجک تعامل کے تعلقات کی مزید ترقی کے اہم امور، نیز بین الاقوامی اور علاقائی ایجنڈے کے موجودہ مسائل پر تبادلہ خیال کیا جائے گا۔'

یہ بھی پڑھیں: چیئرمین پاکستان پیپلز پارٹی بلاول بھٹو زرداری کی پاکستان سمیت دنیا بھر کی مسیحی برادری کو کرسمس پر مبارکباد

تاریخی پس منظر

واضح رہے کہ دوسری جنگ عظیم میں سوویت یونین نے 27 ملین افراد کھوئے لیکن نازی افواج کو واپس برلن کی طرف دھکیل دیا، جہاں ہٹلر نے خودکشی کی اور 1945 میں ریخسٹاگ پر سوویت یونین کی فتح کا سرخ پرچم لہرایا گیا۔ تقاریب میں برازیل اور سربیا کے صدور اور سلوواکیہ کے وزیر اعظم سمیت کئی دیگر قومی رہنماو¿ں کی بھی شرکت متوقع ہے۔

یہ بھی پڑھیں: ایرانی فورسز کی انگلیاں ٹریگر پر ہیں، ایرانی وزیر خارجہ عباس عراقچی نے امریکی صدر ٹرمپ کی دھمکی کا جواب دےدیا

یوکرین کے ساتھ جنگ بندی کا مسئلہ

ولادیمیر پوتن نے روسی کیلنڈر میں سب سے اہم دنوں میں سے ایک 9 مئی کی تقریبات کے موقع پر یوکرین کے ساتھ تین روزہ جنگ بندی کی تجویز پیش کی ہے۔ ماسکو کی تین روزہ جنگ بندی کی پیشکش کا جواب دیتے ہوئے، یوکرینی صدر ولادیمیر زیلنسکی نے کہا کہ اگر جنگ بندی 30 دن کی ہو تو وہ اس کے لئے تیار ہیں۔

جنگ بندی کے امکانات

واضح رہے کہ ولادیمیر پوتن نے ایک ماہ کی جنگ بندی کی تجویز پہلے ہی مسترد کردی تھی، انہوں نے کہا تھا کہ وہ مختصر وقفے کے بجائے طویل مدتی تصفیہ چاہتے ہیں۔ یوکرینی صدر نے کہا ہے کہ یوکرین، روس کے ساتھ جاری جنگ کے پیش نظر ماسکو میں روایتی 9 مئی کی فتح پریڈ میں آنے والے کسی بھی غیر ملکی معززین کی حفاظت کی ضمانت نہیں دے سکتا۔