پی ایس ایل، کراچی کنگز نے لاہور قلندرز کو 4 وکٹوں سے شکست دے دی

کراچی کنگز کی شاندار فتح

لاہور (ڈیلی پاکستان آن لائن) پاکستان سپر لیگ 10 کے سنسنی خیز مقابلے میں عرفان خان نیازی کی دلیرانہ بیٹنگ کی بدولت کراچی کنگز نے لاہور قلندرز کو چار وکٹوں سے شکست دے دی۔

یہ بھی پڑھیں: نائلہ کیانی دنیا کی تیسری بلند ترین چوٹی سر کرنے کے لیے پرعزم

ہدف کا حصول

پی ایس ایل کے میچ میں کراچی نے 168 رنز کا ہدف تین گیندیں قبل حاصل کر لیا۔ عرفان خان نیازی نے صرف 21 گیندوں پر 48 رنز کی شاندار میچ وننگ اننگز کھیلی۔

یہ بھی پڑھیں: اکاؤنٹ میں کروڑوں روپے منتقل ہونے کے معاملے پر اداکارہ نادیہ حسین کی ایف آئی اے میں طلبی

کراچی کے اہم بیٹرز

کراچی کی جانب سے سعد بیگ نے 25، جبکہ ٹم سائفرٹ اور ڈیوڈ وارنر نے 24، 24 رنز بنا کر اہم کردار ادا کیا۔

یہ بھی پڑھیں: یہ ہم سب کا ملک ہے، ہمیں مل کر اسے بچانا ہے، وزیراعظم پارلیمنٹ کو مضبوط اور پالیسیوں کا مرکز بنائیں، محمود خان اچکزئی

لاہور کے بولر کی کارکردگی

لاہور قلندرز کی جانب سے حارث رؤف نے 2 وکٹیں حاصل کیں جبکہ ڈیرل مچل، آصف آفریدی اور رشاد حسین نے ایک، ایک کھلاڑی کو آؤٹ کیا۔

یہ بھی پڑھیں: سعودی وزیر خارجہ شہزادہ فیصل بن فرحان کی پاکستان، ترکیہ اور مصر کے وزرائے خارجہ سے اہم مشاورتی ملاقات

بارش کی مداخلت

اس سے قبل بارش کے باعث میچ کو 15 اوورز فی اننگز تک محدود کر دیا گیا۔ لاہور قلندرز نے پہلے کھیلتے ہوئے 8 وکٹوں کے نقصان پر 160 رنز بنائے، تاہم ڈک ورتھ لوئس میتھڈ کے تحت کراچی کنگز کو 168 رنز کا ہدف دیا گیا۔

یہ بھی پڑھیں: سپریم کورٹ میں 26 ویں آئینی ترمیم کے خلاف ایک اور درخواست دائر

لاہور کی اننگز کا جائزہ

لاہور کی اننگز میں محمد نعیم نے 65 اور فخر زمان نے 51 رنز کی شاندار اننگز کھیلی، مگر دیگر بیٹرز خاطر خواہ کارکردگی نہ دکھا سکے۔

یہ بھی پڑھیں: اقبال سنگھیڑا دوبارہ گرفتار، کیمپ جیل منتقل

کراچی کے بولرز کی شاندار کارکردگی

کراچی کنگز کی طرف سے عباس آفریدی نے شاندار بولنگ کرتے ہوئے 27 رنز کے عوض 3 وکٹیں حاصل کیں، جبکہ میر حمزہ، عامر جمال اور حسن علی نے ایک، ایک وکٹ اپنے نام کی۔

میچ کی روکنے کی وجوہات

میچ کے دوران بارش کی وجہ سے کھیل کچھ دیر کے لیے روکنا پڑا۔ اس وقت لاہور کا اسکور 7.5 اوورز میں ایک وکٹ کے نقصان پر 90 رنز تھا، تاہم کھیل کے دوبارہ آغاز پر کراچی کنگز کے بولرز نے زبردست کم بیک کرتے ہوئے لاہور کو بڑا اسکور بنانے سے روک دیا۔ ٹاپ تھری کے سوا لاہور کا کوئی بیٹر ڈبل فیگرز میں نہ پہنچ سکا۔