خام تیل کی قیمت میں بڑی کمی ہو گئی

آئل کی قیمتوں میں کمی

لاہور (ویب ڈیسک) پیر کو ایشیائی مارکیٹ میں ابتدائی ٹریڈنگ کے دوران تیل کی عالمی قیمتوں میں دو ڈالر فی بیرل سے زائد کی نمایاں کمی دیکھنے میں آئی۔ اس کمی کی بنیادی وجہ اوپیک پلس (OPEC+) کی جانب سے تیل کی پیداوار میں مزید تیز رفتار اضافے کا فیصلہ ہے، جس نے عالمی منڈی میں رسد بڑھنے اور قیمتوں میں مزید کمی کے خدشات کو جنم دیا ہے۔

یہ بھی پڑھیں: ٹیرف کی وجہ سے ایپل کے اخراجات میں 90 کروڑ ڈالر کا اضافہ، اس کے باوجود پہلی سہ ماہی میں کتنی آمدنی ہوئی؟

برانٹ کروڈ اور ڈبلیو ٹی آئی کی قیمتیں

نجی ٹی وی آج نیوز کے مطابق برینٹ کروڈ کی قیمت 2.04 ڈالر یعنی 3.33 فیصد کم ہوکر 59.25 ڈالر فی بیرل پر آگئی، جب کہ امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل 2.10 ڈالر کمی کے بعد 56.19 ڈالر فی بیرل پر ٹریڈ ہوا۔ یعنی دونوں کنٹریکٹس 9 اپریل کے بعد اپنی کم ترین سطح پر آگئیں۔ اوپیک پلس نے مسلسل دوسرے مہینے بھی تیل کی پیداوار میں تیزی لانے کا اعلان کیا ہے اور جون کے لیے یومیہ 4 لاکھ 11 ہزار بیرل اضافی پیداوار کا ہدف مقرر کیا ہے۔

یہ بھی پڑھیں: آسٹریلوی بولرز نے بھارتی بیٹرز کا غرور خاک میں ملادیا، 10 وکٹوں سے روند دیا

عالمی رسد کا اثر

رائٹرز کے مطابق اپریل، مئی اور جون کے مجموعی اضافے سے 9 لاکھ 60 ہزار بیرل یومیہ اضافی تیل عالمی منڈی میں آئے گا، جو کہ 2022 سے طے شدہ 22 لاکھ بیرل یومیہ کٹوتیوں کا 44 فیصد خاتمہ ہوگا۔

یہ بھی پڑھیں: لاہور میں اکیڈمی جاتے ہوئے بچی کو ہراساں کرنے والا رکشہ ڈرائیور گرفتار

انرژی کے ماہرین کی رائے

توانائی امور کے تجزیہ کار ٹِم ایوانز کا کہنا ہے کہ ’اوپیک پلس کی جانب سے 3 مئی کو پیداوار میں مزید اضافے کا فیصلہ اس امکان کو تقویت دیتا ہے کہ عالمی سطح پر طلب و رسد کا توازن سپلائی کی طرف جھک رہا ہے۔‘

یہ بھی پڑھیں: عازمین حج 2026 سے اخراجات 2 اقساط میں لینے کا فیصلہ

ملکوں کی جانب سے پیداوار میں اضافے کا دباؤ

ذرائع کا کہنا ہے کہ سعودی عرب، عراق اور قازقستان جیسے ممالک کی جانب سے کوٹے کی خلاف ورزی پر ناراض ہیں اور اسی وجہ سے پیداوار میں تیزی لانے کا دباؤ بڑھا رہا ہے۔

یہ بھی پڑھیں: ہنڈائی ٹو سون کا نیا ماڈل آگیا

بارکلیز بینک کا تخمینہ

دوسری جانب بارکلیز بینک نے اوپیک پلس کے فیصلے کے تناظر میں 2025 کے لیے برینٹ کی قیمت کا تخمینہ 4 ڈالر کم کرکے 66 ڈالر، اور 2026 کے لیے 2 ڈالر کم کرکے 60 ڈالر فی بیرل کر دیا ہے۔

یہ بھی پڑھیں: حج 2026 کے لیے عازمین کی رجسٹریشن شروع

جغرافیائی کشیدگی کا اثر

عالمی سطح پر جغرافیائی کشیدگی بھی قیمتوں پر اثر انداز ہو رہی ہے۔ اسرائیلی وزیر اعظم بنیامین نیتن یاہو نے ایرانی حمایت یافتہ حوثی گروپ کی جانب سے اسرائیل کے مرکزی ہوائی اڈے کے قریب میزائل گرنے کے بعد ایران کو جوابی کارروائی کی دھمکی دی ہے۔ جبکہ ایران کے وزیر دفاع عزیز ناصرزادہ نے خبردار کیا ہے کہ اگر امریکا یا اسرائیل نے حملہ کیا تو ایران بھرپور جواب دے گا۔

آنے والے دنوں میں قیمتوں میں کمی کی توقع

اس صورتِ حال میں تیل کی قیمتوں کو دباؤ کا سامنا ہے اور رواں ہفتے قیمتوں میں سب سے بڑی کمی متوقع ہے۔