بھارتی اقدامات سے علاقائی امن و استحکام کو خطرہ لاحق ہے: صدر مملکت
صدر مملکت کی بھارتی اقدامات پر تشویش
اسلام آباد (ڈیلی پاکستان آن لائن) صدر مملکت آصف علی زرداری نے کہا ہے کہ بھارتی اقدامات سے علاقائی امن و استحکام کو خطرہ لاحق ہے۔
یہ بھی پڑھیں: ٹی ٹوئنٹی ورلڈ کپ کے سب سے بڑے میچ پاک بھارت ٹاکرے کا ٹاس ہو گیا
چینی سفیر کی صدر زرداری سے ملاقات
نجی ٹی وی چینل دنیا نیوز کے مطابق ایوان صدر میں صدر مملکت آصف علی زرداری سے پاکستان میں چین کے سفیر چیانگ زئے ڈونگ نے ملاقات کی۔ اس ملاقات میں دو طرفہ اہمیت کے امور اور پہلگام واقعے کے بعد پاکستان اور بھارت کے درمیان موجودہ صورتحال پر گفتگو کی گئی۔
یہ بھی پڑھیں: پاک، افغان سرحد۔۔پاک فوج کی فیصلہ کن کارروائیاں جاری، افغان طالبان فورسز کوکتنا نقصان پہنچا؟ سیکیورٹی ذرائع نے تازہ ترین صورتحال بتا دی
بھارتی حکومت کے غیر ذمہ دارانہ بیانات
صدر مملکت آصف علی زرداری نے بھارتی حکومت کے حالیہ غیر ذمہ دارانہ اور جارحانہ بیانات پر اظہار تشویش کرتے ہوئے کہا کہ بھارت کے اقدامات سے علاقائی امن و استحکام کو خطرہ لاحق ہے۔
یہ بھی پڑھیں: کراچی؛ سائٹ ایریا، ولیکا چورنگی پر فیکٹری میں آگ لگ گئی
چینی حکومت کی حمایت کا شکریہ
آصف زرداری نے مشکل وقت میں پاکستان کا ساتھ دینے اور چینی حکومت کی مسلسل حمایت کو سراہا۔
یہ بھی پڑھیں: پاکستان کرکٹ بورڈ نے پی ایس ایل فرنچائز ملتان سلطانز کو نیا کنٹریکٹ نہیں بھیجا، نجی نیوز چینل کا دعویٰ
چین اور پاکستان کی دوستی
اس موقع پر چینی سفیر نے چین اور پاکستان کے درمیان پائیدار اور آزمودہ دوستی کا اعادہ کیا اور کہا کہ دونوں ممالک "آہنی برادر" ہیں، ہمیشہ مشکل وقت میں ایک دوسرے کا ساتھ دیا۔
جنوبی ایشیا میں امن کا عزم
چینی سفیر نے پاکستان کے نقطہ نظر کو چین کے ساتھ شیئر کرنے پر صدر مملکت کا شکریہ ادا کیا۔ انہوں نے مزید کہا کہ چین جنوبی ایشیا میں امن و استحکام کے حصول کی مشترک خواہش کے لئے ہمیشہ پاکستان کی حمایت کرے گا.
