دبئی کے اسکولوں میں مصنوعی ذہانت لازمی مضامین میں شامل
متحدہ عرب امارات میں AI کی تعلیم کی شمولیت
دبئی (ڈیلی پاکستان آن لائن) متحدہ عرب امارات میں مصنوعی ذہانت (AI) کی تعلیم لازمی قرار دے دی گئی ہے، کے جی کلاس سے گریڈ 12 تک اے آئی کا نیا نصاب متعارف کر دیا گیا۔
یہ بھی پڑھیں: فری لانسرز کیلئے خوشخبری، وی پی این رجسٹریشن کا انتہائی آسان طریقہ سامنے آگیا
تاریخی فیصلہ
نجی ٹی وی چینل آج نیوز رپورٹس کے مطابق متحدہ عرب امارات (یو اے ای) نے ایک تاریخی قدم اٹھاتے ہوئے آئندہ تعلیمی سال سے ملک بھر کے تمام سرکاری سکولوں میں مصنوعی ذہانت (AI) کو لازمی مضمون کے طور پر متعارف کرانے کی منظوری دے دی ہے۔
یہ بھی پڑھیں: جب تک امن نہیں آتا فاٹا میں ٹیکس نہ لگایا جائے: اسد قیصر
شیخ محمد بن راشد کا اعلان
یہ فیصلہ یو اے ای کابینہ نے کیا جس کا اعلان نائب صدر، وزیر اعظم اور دبئی کے حکمران، شیخ محمد بن راشد المکتوم نے کیا۔
یہ بھی پڑھیں: تمام ججز نے بنیادی حقوق کا تحفظ کرنے کی قسم اٹھائی ہے، سابق چیف جسٹس ثاقب نثار
آنے والے وقت کی تیاری
شیخ محمد بن راشد نے سوشل میڈیا پلیٹ فارم ایکس (سابقہ ٹوئٹر) پر ایک پیغام میں لکھا کہ ہماری ذمہ داری ہے کہ ہم اپنے بچوں کو اُس وقت کیلئے تیار کریں جو ہمارے وقت سے بالکل مختلف ہوگا۔
یہ بھی پڑھیں: صحافی خرم اقبال کو پیکا ایکٹ کے تحت حراست میں لینے کے بعد رہا کردیا گیا
تعلیمی وژن
انہوں نے مزید کہا کہ یہ فیصلہ یو اے ای کے جدید اور ٹیکنالوجی پر مبنی تعلیمی وژن کا حصہ ہے، جس کا مقصد نئی نسل کو بدلتی ہوئی دنیا کے تقاضوں کے مطابق تیار کرنا ہے۔
یہ بھی پڑھیں: چپقلش کا خوب شور تھا، سرکار کی نوکری کرتے 14برس بیت گئے تھے، ابھی پہلی پروموشن کا انتظار تھا، تکلیف دہ انتظار اور یہ ختم ہوتے نظر بھی نہیں آ رہا تھا۔
نئے نصاب کی تفصیلات
یہ نیا نصاب وزارت تعلیم کی جانب سے تیار کیا گیا ہے اور اس میں مصنوعی ذہانت کے بنیادی نظریات جیسے کہ ڈیٹا، الگورڈمز، مشین لرننگ، اور ایپلیکیشنز، مصنوعی ذہانت کا سماجی اثر، اخلاقی پہلو، ڈیٹا پرائیویسی، اور الگورڈمک فیئرنس شامل کیے گئے ہیں۔
یہ بھی پڑھیں: تمام ڈویژنل سپورٹس افسران سے روزانہ کی بنیاد پر گیمز کی رپورٹس لی جارہی ہیں، خضرافضال چودھری
تعلیم کا عمل
یہ کورس تمام تعلیمی درجات میں مرحلہ وار اور عمر کے لحاظ سے کنڈرگارٹن (KG) سے لے کر گریڈ 12 تک موزوں طریقے سے پڑھایا جائے گا۔
عالمی تعلیمی میدان میں انقلاب
متحدہ عرب امارات کا یہ اقدام عالمی تعلیمی میدان میں ایک انقلابی پیش رفت کے طور پر دیکھا جا رہا ہے، جو نئی نسل کو AI پر مبنی مستقبل کے لیے مکمل طور پر تیار کرنے کی جانب ایک واضح قدم ہے。
