لاہور: روزے دار طالب علم پر کلاس فیلوز کا بہیمانہ تشدد، زبردستی سانس رکوانے سے لڑکا بے ہوش

لاہور: طالب علم پر تشدد کا واقعہ

لاہور (ڈیلی پاکستان آن لائن) جوہر ٹاؤن میں سکول کے طالب علم پر تشدد اور زبردستی سانس رکوانے کے الزامات میں مقدمہ درج کر لیا گیا۔

مقدمے کی تفصیلات

نجی ٹی وی جیو نیوز کے مطابق، پولیس نے بتایا کہ جوہر ٹاؤن میں یہ مقدمہ نجی سکول کی انتظامیہ اور 6 طلبہ کے خلاف درج کیا گیا ہے۔ ایف آئی آر میں متاثرہ بچے کے والد نے الزام عائد کیا ہے کہ ملزمان سبحان، معیز اور نوفل سمیت 6 لڑکوں نے بیٹے کا زبردستی سانس رکوایا۔ بچے کا روزہ تھا، جس کی وجہ سے وہ سانس رکنے کی صورت میں بے ہوش ہوگیا۔

مزید الزامات

ایف آئی آر کے مطابق، ملزم معیز نے دھکا دے کر بچے کو گرا دیا، جس کی وجہ سے بچے کا دانت اور جبڑا ٹوٹ گیا۔ سکول کی انتظامیہ اور ملزمان نے متاثرہ بچے کے والد کو دھمکیاں دیں اور زبردستی صلح کروائی۔ بچے کا میڈیکل بھی کر لیا گیا ہے، لیکن زبردستی کی صلح کو والد نے تسلیم نہیں کیا۔

سکول انتظامیہ کے خلاف کاروائی

متاثرہ بچے کے والد نے مزید کہا کہ سکول کی انتظامیہ اور ملزمان نے دباؤ ڈال کر صلح پر مجبور کیا۔ مقدمے میں سکول کے ایم ڈی اور پرنسپل کو بھی نامزد کیا گیا ہے۔