بھارت نے بزدلانہ حملے میں کتنے پاکستانی شہروں کو نشانہ بنا یا ؟ مزید تفصیلات سامنے آگئیں

بھارت کا پاکستان پر میزائل حملہ

لاہور(ڈیلی پاکستان آن لائن) بھارت نے پاکستان پر حملہ کرتے ہوئے 5 مقامات پر میزائل فائر کردیے جس میں سویلین آبادی کو نشانہ بنایا گیا، بھارتی حملے میں 2 شہری شہید ہوگئے۔ ڈائریکٹر جنرل انٹر سروسز پبلک ریلیشنز (ڈی جی آئی ایس پی آر) لیفٹیننٹ جنرل احمد شریف چوہدری نے تصدیق کی ہے کہ بھارت نے پاکستان پر 5 جگہوں پر میزائل داغے ہیں۔

یہ بھی پڑھیں: این اے 129 کا انتخابی معرکہ، نوازشریف نے سیاسی دھڑوں کو متحد کرنے کی ذمہ داری خواجہ سعد رفیق کو سونپ دی۔

ہدف بنائے گئے مقامات

ڈی جی آئی ایس پی آر نے بتایا کہ بھارت کی جانب سے آزاد کشمیر میں کوٹلی، مظفر آباد پر حملہ کیا گیا جبکہ احمد پور شرقیہ، بہاولپور اور مرید کے پر بھی حملہ ہوا۔

یہ بھی پڑھیں: سونا 8100 روپے فی تولہ سستا

مسجد پر حملہ

ڈی جی آئی ایس پی آر کے مطابق بھارت نے احمد پور شرخیہ بہاولپور میں مسجد سبحان اللہ پر حملہ کیا، جہاں سویلینز کو نشانہ بنایا گیا۔ انہوں نے کہا کہ بھارت نے شرمناک حملہ کیا اور اس کا جواب دیا جائے گا۔

یہ بھی پڑھیں: مسلح افراد نے بارکھان اور خضدار سے 9 مزدوروں اور 3 پولیس اہلکاروں کو اغواء کر لیا، 3 مزدور بازیاب

جانی نقصان

میزائل حملے کے نقصان کا تخمینہ لگایا جارہا ہے۔ پاکستان وقت کا تعین کر کے بھرپور جواب دے گا۔ ڈی جی آئی ایس پی آر کے مطابق کوٹلی میں بھارتی حملے میں 2 شہری شہید ہوئے جبکہ احمد پور میں 12 شہری زخمی ہوئے۔

یہ بھی پڑھیں: حرامانی ماضی کے مقابلے غیر مہذب ہوگئیں ہیں: نتاشا علی

مقامی سکیورٹی ذرائع کی معلومات

سکیورٹی ذرائع کا کہنا تھا کہ بھارت کے بزدلانہ حملے میں ایک معصوم بچہ شہید جبکہ ایک عورت اور ایک مرد شدید زخمی ہیں۔ یہ حملہ رات کے اندھیرے میں پاکستانیوں کو نشانہ بناتے ہوئے کیا گیا۔ پاکستان کی طرف سے جوابی کارروائی شروع ہو چکی ہے۔

یہ بھی پڑھیں: دوران پرواز مسافر کی طیارے کا دروازہ کھولنے کی کوشش، روکنے پر کریو ممبر پرحملہ کردیا

جوابی کارروائی

سکیورٹی ذرائع کا کہنا ہے کہ پاکستانی فضائیہ اور پاک فوج بھارتی بزدلانہ حملے کا منہ توڑ جواب دے رہی ہیں۔ معصوم پاکستانیوں کے خون کا بدلہ ہر صورت لیا جائے گا۔ ابھی تک صرف سویلین اور معصوم پاکستانیوں کو ٹارگٹ کیا گیا ہے۔

یہ بھی پڑھیں: وزیرداخلہ مظاہرین کے درمیان پہنچ گئے، پرامن رہنے کی اپیل ’’ ہم سب غمزدہ ہیں،صبر و تحمل کا دامن نہ چھوڑیں ‘‘: محسن نقوی

بھارتی وزارت دفاع کا بیان

بھارتی وزارت دفاع نے پاکستان میں حملوں کی تصدیق کردی ہے اور دعویٰ کیا ہے کہ پاکستان میں 9 مقامات پر حملہ کیا ہے۔ واضح رہے کہ 22 اپریل کو مقبوضہ کشمیر کے علاقے پہلگام میں 26 بھارتی سیاحوں کے قتل کے بعد پاکستان اور بھارت کے درمیان تناؤ بڑھ گیا تھا۔

تناؤ کی انتہا

گزشتہ روز وزیر دفاع خواجہ آصف نے خبردار کیا تھا کہ بھارت کے ساتھ تصادم ناگزیر ہوگیا ہے، تصادم کسی بھی وقت ہوسکتا ہے۔