پاک بھارت کشیدگی، روس کا ایسا بیان آگیا کہ مودی سرکار منہ دیکھتی رہ جائے

روس کی تشویش

ماسکو (ڈیلی پاکستان آن لائن) روس کی وزارت خارجہ نے ایک بیان میں کہا ہے کہ بھارت اور پاکستان کے درمیان بڑھتی ہوئی عسکری کشیدگی پر اسے "گہری تشویش" ہے۔

یہ بھی پڑھیں: کراچی، ٹریول گینگ کا مبینہ کارنامہ، عمرے پر جانے والی فیملی سعودی عرب میں پھنس گئی

تحمل کی اپیل

آر ٹی ویب سائٹ کے مطابق روس نے دونوں ممالک پر زور دیا ہے کہ وہ تحمل کا مظاہرہ کریں۔ "روس دہشتگردی کے تمام اقدامات کی سختی سے مذمت کرتا ہے، اس کی ہر شکل کا مخالف ہے، اور اس بات پر زور دیتا ہے کہ اس برائی سے مؤثر طریقے سے نمٹنے کے لیے پوری عالمی برادری کو مشترکہ کوششیں کرنا ہوں گی۔"

یہ بھی پڑھیں: پولیس پر فائرنگ، پی ٹی آئی کا احتجاج مسلح دہشتگردی کی کاوش ہے: مریم نواز

امن کی امید

بیان میں مزید کہا گیا ہے "ہمیں امید ہے کہ دہلی اور اسلام آباد کے درمیان موجود اختلافات پرامن طریقے سے حل ہوں گے، اور روس دو طرفہ حل کے حق میں ہے۔"

تاریخی تعلقات

بی بی سی کے مطابق روس کئی دہائیوں سے بھارت کا قریبی اتحادی رہا ہے، تاہم اس نے اسلام آباد کے ساتھ بھی دوستانہ تعلقات قائم رکھے ہیں۔