فوج نے پانچ بھارتی جہاز ایسے گرائے جیسے مچھر ہوں، بلاول

بلاول بھٹو زرداری کا قومی اسمبلی میں خطاب

اسلام آباد (ڈیلی پاکستان آن لائن) بلاول بھٹو زرداری نے قومی اسمبلی میں خطاب کرتے ہوئے کہا کہ فوج نے پانچ بھارتی جہاز ایسے گرائے جیسے مچھر ہوں۔ یہ 2001 نہیں کہ کوئی کہہ دے مسلمان دہشت گرد ہیں، اور ہم سن لیں۔ بھارت نے رات کے اندھیرے میں بچوں کو نشانہ بنایا۔

یہ بھی پڑھیں: لاہور کے سرکاری ہسپتالوں سے نومولود بچوں کے اغوا کا سلسلہ تھم نہ سکا،جنرل ہسپتال سے 2روز کا بچہ اغوا

بھارت کے بزدلانہ حملے کی مذمت

غیر ملکی نیوز چینل کو انٹرویو دیتے ہوئے ان کا کہنا تھا کہ پاکستان حملے کا جواب اپنی مرضی کے مقام اور طریقے سے دے گا۔ قومی اسمبلی اجلاس کے دوران وزیراعظم شہباز شریف کے خطاب کے بعد چیئرمین پاکستان پیپلز پارٹی بلاول بھٹو زرداری نے بھی خطاب کیا۔ انھوں نے کہا کہ بھارت کے بزدلانہ حملے کی مذمت کرتے ہیں، اور شہدا کے لواحقین کے ساتھ کھڑے ہیں۔ بلاول بھٹو زرداری نے کہا کہ رات کے اندھیرے میں چور اور بزدل حملے کرتے ہیں۔

یہ بھی پڑھیں: ایران نے مختلف ادوار میں کن بڑی طاقتوں کا مقابلہ کیا۔۔؟ اہم تاریخی تفصیلات جانیے

پاکستان کی مضبوطی اور عزت

انہوں نے کہا کہ جن میں ہمت ہوتی ہے وہ دن میں مقابلہ کرتے ہیں، بھارت نے رات کے اندھیرے میں بچوں کو نشانہ بنایا۔ دہشت گردی کے الزامات ہم کب تک سنیں گے؟ بلاول بھٹو زرداری نے مزید کہا کہ یہ 2001 نہیں کہ کوئی کہہ دے مسلمان دہشت گرد ہیں، اور ہم سن لیں۔ دو ہفتے سے بھارت پاکستان پر جھوٹے الزامات لگا رہا ہے، اور پاکستان نے غیر جانبدارانہ تحقیقات کا مطالبہ کیا ہے۔

یہ بھی پڑھیں: کراچی: سینیٹ کی خالی نشست پر ضمنی انتخاب

پا ک فضائیہ کی کارکردگی

انہوں نے کہا کہ پاکستان سچ کے ساتھ کھڑا ہے اور بھارت جھوٹ کے ساتھ کھڑا ہے۔ بلاول بھٹو زرداری نے پاک فضائیہ کو سلام پیش کرتے ہوئے کہا کہ انہوں نے بھارت کے پانچ طیارے مار گرائے۔ بھارت کی فوج تعداد میں زیادہ ہے، مگر جذبے سے عاری ہے۔ دنیا کو دکھائیں گے کہ ہم جنگ کے حامی نہیں ہیں۔

یہ بھی پڑھیں: پہلگام حملہ بہار کا الیکشن جیتنے کے لیے کروایا گیا، مودی حکومت قومی سلامتی کے مسائل کو انتخابی فائدے کے لیے استعمال کرتی ہے۔ یشونت سنہا کھل کر بول پڑے۔

بھارت کے بلااشتعال اقدامات

چیئرمین پاکستان پیپلز پارٹی نے اپنے خطاب میں یہ بھی کہا کہ بھارتی جہاز مچھروں کی طرح گرائے گئے، اور اگر دوبارہ حملہ ہوا تو بھارتی جہاز دوبارہ گرائیں گے۔ انہوں نے کہا کہ دشمن کا ہر حملہ ناکام بنانے کی صلاحیت رکھتے ہیں۔ بھارت کی بھول ہے کہ حملہ پر ہم خاموش بیٹھیں گے۔

یہ بھی پڑھیں: گیم شروع ہوچکی، بولیاں لگ رہی ہیں، گیٹ نمبر 4 الٹا بھی کھلتا ہے: شیخ رشید

پاکستان کی خود مختاری کا دفاع

قبل ازیں بلاول بھٹو زرداری نے غیرملکی نیوزچینل کو انٹرویو دیتے ہوئے کہا کہ بھارت خطے کا امن تباہ کرنا چاہتا ہے۔ پاکستان نے ہمیشہ دہشت گردی کی مذمت کی، اور پاکستان کسی دباو¿ میں نہیں جھکے گا۔ انہوں نے کہا کہ یہ بھارت کی جانب سے بلااشتعال، جنگی اقدام ہے۔

یہ بھی پڑھیں: سرگودھا ضمنی انتخاب؛مڈھانہ گروپ کا حکومتی امیدوار میاں سلطان علی رانجھا کی حمایت کا باضابطہ اعلان

جنگ کے حق کی وضاحت

بھارت نے تحقیقات کی پیشکش کو ٹھکرا کر شہریوں کو نشانہ بنایا۔ بھارتی الزامات میں سچائی ہوتی تو یہ پیشکش کیوں مسترد کرتا؟ انہوں نے انٹرویو میں یہ بھی کہا کہ ہم نے اپنے دفاع میں بھارت کے 5 طیارے مارگرائے۔ پاکستان کو گزشتہ 2 ہفتوں سے بھارتی حکومت کی دھمکیوں کا سامنا ہے، اور پاکستان یو این چارٹر کے تحت جواب دینے کا حق رکھتا ہے۔

بزدلانہ حملے کی مذمت

انھوں نے کہا کہ بھارت نے بزدلانہ حملے میں معصوم شہریوں کو نشانہ بنایا ہے۔ بھارت کی جانب سے پاکستان کی خود مختاری پر حملہ کیا گیا ہے، اور بزدلانہ حملے میں شہید افراد کے اہلخانہ سے اظہار تعزیت کرتا ہوں۔