امرتسر میں 5 سے 6 دھماکوں کی آوازیں

دھماکوں کی آوازیں

نئی دہلی (ڈیلی پاکستان آن لائن) بھارتی پنجاب کے شہر امرتسر میں پانچ سے چھ دھماکوں کی آوازیں سنی گئی ہیں۔ امرتسر کے مقامی لوگوں کی جانب سے اس حوالے سے سوشل میڈیا پر پوسٹیں کی جا رہی ہیں۔ بعض صارفین کے مطابق دھماکوں کی آوازیں امرتسر ایئر پورٹ کے قریب سنی گئی ہیں۔

یہ بھی پڑھیں: پاک بھارت اسٹریٹجک تصادم کا خطرہ، وہ ایک قدم جس سے حالات نارمل ہوسکتے ہیں، الجزیرہ کی رپورٹ میں مشورہ دے دیا گیا

سوشل میڈیا کی ویڈیوز

سوشل میڈیا پر ایسی غیر مصدقہ ویڈیوز بھی سامنے آئی ہیں جن میں آسمان میں سرخ روشنی نظر آ رہی ہے۔ ویڈیو بنانے والے لوگ پنجابی میں بات کر رہے ہیں۔ ویڈیو میں دیکھا جا سکتا ہے کہ یہ لوگ اچانک کہتے ہیں کہ یہ میزائل ہے اور پھر اندر کی طرف بھاگنا شروع ہو جاتے ہیں۔ کچھ سوشل میڈیا صارفین کے مطابق امرتسر شہر میں بجلی بھی بند ہوگئی ہے۔

یہ بھی پڑھیں: No Tolerance for Those Who Resort to Violence: Maryam Nawaz

بھارتی میڈیا کی رپورٹ

بھارتی میڈیا کا کہنا ہے کہ امرتسر میں بڑے پیمانے پر موک ڈرل کی گئی ہے جس کے دوران شہر کے کئی حصوں کی بجلی بند کی گئی تھی۔ دوسری جانب پاکستانی سیکیورٹی ذرائع کا کہنا ہے کہ امرتسر میں پاکستان کی طرف سے کوئی کارروائی نہیں کی گئی۔

لاہور اور امرتسر کا تعلق

خیال رہے کہ امرتسر بارڈر کے دوسری طرف لاہور کا قریب ترین شہر ہے۔ عام طور پر لاہور اور امرتسر کو جڑواں شہر بھی کہا جاتا ہے۔