بھارت ڈرون کیوں بھیج رہا ہے، ان کا مقصد کیا تلاش کرنا ہے؟ سابق مشیر قومی سلامتی کا تہلکہ خیز انکشاف

بھارت کے ڈرونز: مقاصد کیا ہیں؟

اسلام آباد (ڈیلی پاکستان آن لائن) بھارتی ڈرون کیوں بھیج رہا ہے؟ ان کا مقصد کیا تلاش کرنا ہے؟ سابق مشیر قومی سلامتی لیفٹیننٹ جنرل (ر) ناصر جنجوعہ نے اس حوالے سے تہلکہ خیز انکشاف کیا ہے۔

یہ بھی پڑھیں: ممبئی میں ڈپٹی سپیکر کے ساتھ 4 اسمبلی ارکان نے احتجاجاً تیسری منزل سے چھلانگ لگائی

ناصر جنجوعہ کی رپورٹ

’’جنگ‘‘ کے مطابق، لیفٹیننٹ جنرل (ر) ناصر جنجوعہ کا کہنا ہے کہ بھارتی ڈرون ہماری تنصیبات کو تلاش کرتے ہیں۔ ان کا خیال ہے کہ ہم ڈرون کو فضائیہ کے ذریعے انگیج کریں گے۔ بھارت کی جارحانہ کارروائی کے بعد قومی سلامتی کمیٹی، وزیرِ اعظم شہباز شریف پہلے ہی جوابی کارروائی سے متعلق بتا چکے ہیں کہ ہم بھارت کو اس بات کی اجازت نہیں دے سکتے کہ وہ ہمارے ملک میں من مانی فوجی کارروائی کرے۔

یہ بھی پڑھیں: تھوکنے، کوڑا پھینکنے پر 10 ہزار روپے جرمانہ: پنجاب حکومت کا بڑا فیصلہ

جواب کی تیاری

لیفٹیننٹ جنرل (ر) ناصر جنجوعہ نے یہ بھی کہا کہ ایسا نہیں ہو سکتا کہ بھارت اپنے سیاسی عزائم کے لیے ہمارے بچوں اور فیملیز کو نشانہ بنائے۔ ہم بھارتی فوجی کارروائیوں کا ردِ عمل دیں گے، ان شاء اللّٰہ۔ بھارت کو جواب اپنے وقت، طریقے، اور اپنی منتخب کردہ جگہ پر دیں گے۔ صبر اور تحمل سے رہیں، بھارت کو بالکل جواب دیں گے۔

قومی غیرت کا تقاضا

ہمارے معصوم لوگوں کو مار رہے ہیں اور دنیا کو کہتے ہیں کہ ہم نے دہشت گرد مارے ہیں، یہ ہماری قومی غیرت کا تقاضا ہے کہ جو کچھ بھارت نے کیا ہے اس کا ہم جواب دیں گے۔ ہم نے انہیں بہت سمجھایا کہ جنگ دونوں کی تباہی کا باعث بن سکتی ہے، مگر انہیں یہ بات سمجھ نہیں آئی۔ بھارتی طیارے گرائے جانے کی تصدیق متعلقہ کمپنی نے بھی کی ہے۔