ہم نے خود فوٹیج کی تصدیق کی ہے،، بی بی سی نے رافیل طیارہ گرنے کی تصدیق کر دی، بھارت کو شرم سے پانی پانی کردیا
بھارت کے رافیل طیارے کا تباہ ہونا
لندن (ڈیلی پاکستان آن لائن) برطانوی نشریاتی ادارے بی بی سی نے بھارت کے رافیل طیارے کی تباہی کی تصدیق کردی ہے۔
یہ بھی پڑھیں: نان فائلرز کے لیے زمین تنگ کردی گئی
پاکستانی حکام کا دعویٰ
بی بی سی کی رپورٹ کے مطابق، اسلام آباد کے حکام کا دعویٰ ہے کہ پاکستانی فورسز نے بدھ کی صبح پانچ بھارتی لڑاکا طیارے مار گرائے ہیں۔ بھارت نے اس معاملے پر تاحال کوئی تبصرہ نہیں کیا۔
یہ بھی پڑھیں: کابل جا کر چائے پینے اور دہشت گردوں کے لیے سرحد کھولنے سے نقصان ہوا، نائب وزیراعظم اسحاق ڈار کا کوالالمپور میں پاکستانی کمیونٹی کی تقریب سے خطاب
ویڈیوز کی تصدیق
تاہم، بی بی سی ویریفائی نے تین ایسی ویڈیوز کی تصدیق کی ہے جن میں فرانسیسی ساختہ رافیل طیارے کا ملبہ دکھایا گیا ہے، جو بھارتی فضائیہ کے زیرِ استعمال ہیں۔
یہ بھی پڑھیں: لڑائی کس سے لڑنی چاہیے ۔۔۔؟
ملبے کی لوکیشن
بی بی سی ویریفائی کے مطابق، ایک ویڈیو میں بھارتی پنجاب کے شہر بھٹندا کے قریب ایک کھیت میں ملبہ دکھایا جا رہا ہے جہاں فوجی اہلکار ملبہ اکٹھا کرتے نظر آ رہے ہیں۔ اسی مقام سے رات کے وقت فلمائی گئی مزید دو ویڈیوز بھی موصول ہوئی ہیں۔
رات کی ویڈیوز
ایک ویڈیو میں کھیت میں بکھرا ہوا ملبہ دیکھا جا سکتا ہے، جبکہ دوسری ویڈیو میں ایک شعلہ آسمان میں بلند ہوتا ہے اور بعد ازاں کھلے میدان میں آگ لگتی دکھائی دیتی ہے۔
