کیا پاکستان کے پاس بھارتی طیاروں کو مار گرانے کا کوئی ثبوت ہے؟ معمہ حل، سوال کا جواب مل گیا

پاکستان کا بھارتی طیاروں کے خلاف اقدام

اسلام آباد (ویب ڈیسک) پاکستان نے بھارتی ہرزہ سرائی کے جواب میں اسی کے طیارے مار گرائے ہیں۔ کچھ ناقدین اس پر ثبوت طلب کر رہے تھے، لیکن اب پاکستان کی جانب سے واضح جواب آیا ہے کہ ان کے پاس ثبوت موجود ہیں۔

یہ بھی پڑھیں: پاکستان میں موبائل سروس کے معیار کے حوالے سے حیران کن انکشاف

وفاقی وزیراطلاعات کا بیان

نجی ٹی وی چینل سے گفتگو کرتے ہوئے وفاقی وزیراطلاعات عطا تارڑ نے وضاحت کی کہ "جب کسی بھی جہاز پر میزائل فائر کیا جاتا ہے، تو ایئر کرافٹ کا ایک میکنزم ہوتا ہے۔ جیسے کہ، جب آپ نے میزائل فائر کیا، تو آپ کے جہاز کا کمپیوٹرائز سسٹم اس میزائل کو ٹریک کرتا ہے اور آپ کو بتاتا ہے کہ آپ کا میزائل کہاں تک پہنچا ہے۔ جب میزائل اپنا ٹارگٹ حاصل کرلیتا ہے تو اس کی بھی نشاندہی ہوتی ہے۔"

یہ بھی پڑھیں: سیٹلائٹ کی تصاویر میں سموگ سے ڈھکا لاہور: “یہ صرف ابتدا ہے، بدترین آلودگی کے دن آنے والے ہیں”

پاکستان کے پاس موجود الیکٹرانک ڈیٹا

انہوں نے مزید کہا کہ یہ تمام الیکٹرانک ڈیٹا پاکستان کے پاس بہترین طریقے سے موجود ہے۔ اگر آپ فائٹر جیٹ کے سیمولیشنز یا سافٹ ویئر خریدیں تو اس کا خودکار ڈیٹا موجود ہوتا ہے۔ یہ ایک سادہ سی بات ہے کہ ہر جہاز کے اندر یہ سسٹم موجود ہے۔ جن جہازوں نے میزائل فائر کر کے دشمن کے طیارے گرائے ہیں، ان کا تمام ڈیٹا اور ریکارڈ الیکٹرانکلی ہمارے پاس موجود ہے، جو بطور ثبوت محفوظ ہے۔

قابل یقین ثبوت

عطا تارڑ نے مزید بتایا کہ یہ بنیادی حقائق ہیں، اور جو فوٹیج ہمارے پاس ہے وہ 100 فیصد واضح ہے کہ ہم نے کامیابی کے ساتھ ہٹ کیا ہے۔ مجھے یاد ہے کہ صبح انڈیا ٹوڈے نے اطلاع دی تھی کہ تین جہازوں کا ملبہ اٹھا رہا ہے۔ ان کے چینلز نے اس بات کی تصدیق کر دی ہے۔ ثبوت طلب کرنے والوں کے لیے میں یہ کہوں گا کہ ہمارے پاس تو دیتا موجود ہے، اگر انڈیا نے خود اس بات کی تصدیق کی ہے تو پھر کسی دوسرے سوال کی گنجائش ہی نہیں رہتی۔