مریدکے میں جس مسجد پر حملہ ہوا وہاں کیا تھا اور مقامی لوگ اتنے غصے میں کیوں ہیں؟ الجزیرہ کی رپورٹ نے حقیقت دنیا کو دکھا دی

بھارت کا بزدلانہ حملہ

لاہور (ڈیلی پاکستان آن لائن) مریدکے کے رہائشیوں کا کہنا ہے کہ جس مسجد پر بھارت نے رات کی تاریکی میں چھپ کر بزدلانہ حملہ کیا وہ 'دہشت گردوں' کی جگہ نہیں تھی۔

یہ بھی پڑھیں: خیبرپختونخوا حکومت نے پی آئی اے کی خریداری میں دلچسپی ظاہر کردی

الجزیرہ کی رپورٹ

قطر کے الجزیرہ ٹی وی نے اس مسجد کا جائزہ لیا اور اپنی رپورٹ میں کہا "ہم اس مسجد کے اندر موجود ہیں جس پر بدھ کی علی الصبح بھارت کی جانب سے کیے گئے میزائل حملوں کے سلسلے میں نشانہ بنایا گیا۔ مسجد کی پہلی منزل منہدم ہو چکی ہے اور ہمیں چھت میں ایک بڑا سوراخ نظر آ رہا ہے۔یہاں کے لوگ بھارت کی جانب سے پیش کیے جانے والے اس بیانیے کی تردید کر رہے ہیں کہ یہ "دہشت گردوں" کے لیے ایک تربیتی کیمپ تھا۔ یہ علاقہ گزشتہ سات سالوں سے حکومت کے کنٹرول میں ہے اور یہاں سکول، مدارس اور ایک ہسپتال موجود ہیں۔"

علاقے کے لوگوں کا ردعمل

الجزیرہ کے مطابق یہاں کے لوگ دنیا کو بتانا چاہتے ہیں کہ یہ کوئی دہشت گرد کیمپ نہیں تھا؛ یہ محض ایک مسجد تھی اور وہ اس بات پر ناراض ہیں کہ بھارت کے حملے پر دنیا خاموش رہی ہے۔