ٹرمپ انتظامیہ پاک بھارت جنگ بندی کیلئے کیوں متحرک ہوئی؟

امریکی صحافی کی رپورٹ

واشنگٹن (ڈیلی پاکستان آن لائن) امریکی صحافی نے پاکستان اور بھارت کے درمیان جنگ بندی کے پس منظر میں ہونے والی امریکی کوششوں کی تفصیل بیان کردی۔

یہ بھی پڑھیں: سوڈان، رکشے اور ہوائی جہاز میں تصادم، 4 افراد ہلاک

نائب صدر کا اقدام

نجی ٹی وی جیو نیوز نے امریکی صحافی ایلینا ٹرینے کے حوالے سے بتایا کہ امریکی نائب صدر نے جنگ بندی مذاکرات کے لئے وزیراعظم مودی کو فون کیا۔ نائب صدر جے ڈی وانس، وزیر خارجہ مارکو روبیو اور وائٹ ہاوس کے چیف آف سٹاف پاک بھارت تنازع کو مانیٹر کر رہے تھے۔

یہ بھی پڑھیں: خالی نشست پر الیکشن کا معاملہ، شبلی فراز کا چیئرمین سینٹ، الیکشن کمشنر کو خط

تشویشناک انٹیلی جنس اطلاع

صحافی کے مطابق جمعے کی صبح امریکہ کو ایک تشویشناک انٹیلی جنس اطلاع موصول ہوئی، جس کی حساس نوعیت کی وجہ سے امریکی عہدے داروں نے تفصیلات نہیں بتائیں۔ اس معلومات کی وجہ سے امریکہ نے پاک بھارت کشیدگی میں اپنی مداخلت بڑھائی۔

یہ بھی پڑھیں: احتساب عدالت کراچی شرجیل میمن ودیگر کیخلاف آمدن سے زائد اثاثوں کے ریفرنس میں رپورٹ پیش نہ کرنے پر برہم، آج 3بجے تک جمع کرانے کا حکم

مودی کے ساتھ رابطہ

نائب امریکی صدر جے ڈی وانس نے بھارتی وزیراعظم مودی کو فون کیا اور انہیں خبردار کیا کہ اگر کشیدگی جاری رہی تو ہفتے کے اختتام پر اس میں شدت آنے کا خدشہ ہے۔ انہوں نے مودی پر پاکستان سے براہ راست رابطہ کرنے کے لئے زور دیا اور کشیدگی کم کرنے کے متبادل راستوں پر غور کرنے کا مشورہ دیا۔

یہ بھی پڑھیں: ٹیکس بار انتخابات: محمد آصف رانا صدر، اسد حنیف سیکرٹری منتخب

پاکستان کے لئے قابل قبول متبادل

امریکی صحافی کے مطابق وانس نے مودی کو ایک ممکنہ متبادل راستے کی تجویز دی جو پاکستان کے لئے بھی قابل قبول ہوسکتی تھی۔ اس کے بعد امریکی وزیر خارجہ اور محکمہ خارجہ کے اہلکار رات بھر بھارت اور پاکستان کے حکام سے رابطے میں رہے۔

ترامپ انتظامیہ کا کردار

صحافی کے مطابق ٹرمپ انتظامیہ نے معاہدے کا مسودہ تیار کرنے میں کوئی کردار ادا نہیں کیا بلکہ انہوں نے دونوں فریقین کو بات چیت پر آمادہ کیا۔ امریکہ سمجھتا ہے کہ نائب صدر وانس کا مودی کو فون کرنا اس سارے معاملے میں ایک اہم موڑ تھا۔