بھارتی طیاروں کی تباہی کے ناقابلِ تردید شواہد منظر عام پر آگئے
پاک فضائیہ کی شاندار کارروائی
راولپنڈی (ڈیلی پاکستان آن لائن) پاک فضائیہ کی زبردست کارروائی، بھارتی طیاروں کی تباہی کے ناقابل تردید شواہد منظر عام پر آگئے۔
یہ بھی پڑھیں: ٹاپ بیورو کریسی کیلئے اچھی خبر آ گئی
ڈی جی آئی ایس پی آر کی وضاحت
نجی ٹی وی دنیا نیوز کے مطابق ترجمان پاک فوج ”ڈی جی آئی ایس پی آر“ لیفٹیننٹ جنرل احمد شریف چودھری نے 9 مئی کو بین الاقوامی میڈیا کے سامنے بھارتی جھوٹ کا پردہ چاک کیا۔ انہوں نے انکشاف کیا کہ 6 اور 7 مئی کی رات پاک فضائیہ اور بھارتی طیاروں کے درمیان طویل فضائی معرکہ ہوا، ایک گھنٹے سے زیادہ فضائی جنگ کے دوران پاک فضائیہ کے شاہینوں نے 5 بھارتی طیارے مار گرائے، جن میں 3 جدید رافیل طیارے، 1 مگ 29 اور ایک SU-30 شامل تھے۔
یہ بھی پڑھیں: بلوچستان کا نوجوان بھارتی ہسپتال میں چل بسا، انتظامیہ کا میت دینے سے انکار
بھارتی نیریٹو کا سوال
بھارت نے روایتی ہٹ دھرمی جھوٹ کا سہارا لیتے ہوئے طیارے گرنے کی خبر سے انکار کیا حالانکہ کچھ بھارتی میڈیا چینلز نے طیارے گرنے کی خبروں کی تصدیق کی تھی، جو بعد میں مودی سرکار نے ہٹوا دیں۔
یہ بھی پڑھیں: افواج پاکستان کے خلاف پراپیگنڈا مہم کے لیے ایک ملین پاونڈ مختص، بھارتی سفارت خانے میں خصوصی سیل قائم، دوسرا کون سا ملک ملوث ہے؟ معروف صحافی نام لینے سے بھی کترانے لگے۔
ناقابل تردید شواہد
ڈی جی آئی ایس پی آر اور سینئر ایئر فورس آفیسر نے مشترکہ پریس کانفرنس میں بھارتی رافیل طیارے گرانے کے ناقابلِ تردید شواہد پیش کئے، جس میں بھارتی طیاروں کے نمبرز اور تباہ ہونے کی لوکیشنز بھی شامل تھیں۔
یہ بھی پڑھیں: وِیگن غذا کیا ہے اور بڑھتی عمر میں اس کے استعمال کے صحت پر اثرات کیا ہیں؟
بھارتی میڈیا کی تصدیق
ترجمان پاک فوج نے کہا کہ بھارت کے مطابق ان کا کوئی طیارہ نہیں گرا جبکہ بھارتی میڈیا خود طیارہ گرنے کی خبروں کی تصدیق کر رہا ہے۔ طیارہ گرنے کی پہلی خبر “انڈیا ٹوڈے” نے جموں و کشمیر کے علاقے پامپور سے دی، جس میں مقبوضہ کشمیر کے 3 علاقوں میں طیارے گرنے کی تصدیق کی گئی۔
یہ بھی پڑھیں: ایران اسرائیل جنگ کے باعث سونے کی قیمت میں اضافہ
فوٹیج اور مزید شواہد
ڈی جی آئی ایس پی آر نے بتایا کہ فوٹیج میں گرائے جانے والے طیارے کی ”ٹیل“ بھارتی 17 گولڈن ایرو سکواڈرن کے رافیل BS-001 طیارے کی ہے، جبکہ فوٹیج میں تباہ ہونے والے طیارے کا انجن بھی دکھایا گیا ہے جو بھارتی طیارے کا ہے۔
یہ بھی پڑھیں: لاہور سے شارجہ جانے والے مسافر سے 670 گرام ہیروئن بھرے کیپسولز برآمد
سنجیدگی کا احساس
انہوں نے کہا کہ ہم 21 ویں صدی میں رہ رہے ہیں نہ کہ 18ویں صدی میں — ہر چیز اپنا نشان چھوڑ جاتی ہے۔
یہ بھی پڑھیں: پی ایس ایل کے جعلی میچ ٹکٹس فروخت کرنے والے 2 ملزمان گرفتار
رپورٹنگ کے شواہد
بی بی سی کے نمائندے نے مقبوضہ جموں و کشمیر سے رپورٹنگ کرتے ہوئے کہا کہ پامپور کے علاقے میں رات کو دھماکے کی آواز سنی گئی، جو طیارہ گرنے کی تھی۔ بھارتی صحافی پراوین سواہنے نے بھی 6 اور 7 مئی کی رات بھارتی فضائیہ کے 3 جیٹ طیاروں کی تباہی کے شواہد دیئے۔
یہ بھی پڑھیں: وزیراعظم کی 26ویں آئینی ترمیم کی منظوری پر قوم کو مبارکباد
مصدقہ اطلاعات
بھارتی صحافی پراوین سواہنے کے مطابق “انڈین ایکسپریس” اور “دی ہندو” اخبار نے بٹھنڈا کے قریب ایک اور بھارتی طیارہ گرنے کی خبر دی لیکن “دی ہندو” نے 40 منٹ کے بعد یہ خبر ہٹا دی۔
دفاعی کارروائیاں
پاک فضائیہ نے یہ دفاعی کارروائیاں پاکستان کی خودمختاری کا تحفظ کرتے ہوئے سر انجام دیں۔
