ترکیہ میں کردستان ورکرز پارٹی کی تحلیل، وزیراعظم نے اعلان کو خوش آئند قرار دیدیا

وزیراعظم شہباز شریف کا بیان

اسلام آباد( ڈیلی پاکستان آن لائن ) وزیراعظم شہباز شریف نے ترکیہ میں عسکریت پسند تنظیم کردستان ورکرز پارٹی کی تحلیل کے اعلان کو خوش آئند قرار دیتے ہوئے ترک قیادت کے غیرمتزلزل عزم کو سراہا ہے۔

یہ بھی پڑھیں: عالیہ بھٹ کی بہن شاہین نے فٹنس کوچ کے ساتھ اپنے رشتے کی تصدیق کردی

تاریخی اقدام

نجی ٹی وی دنیا نیوز کے مطابق انہوں نے کہا کہ یہ تاریخی اقدام ترکیہ میں امن، استحکام اور ترقی کے نئے باب کا آغاز ہے۔ وزیراعظم نے اپنے بیان میں کہا کہ کردستان ورکرز پارٹی کی تحلیل سے ترکیہ میں دہشت کے سائے ختم ہوں گے اور عوام کو پرامن زندگی میسر آئے گی۔

یہ بھی پڑھیں: یورپ سے 4 مسلمان حج کے لیے گھوڑوں پر سعودی عرب پہنچ گئے، پھر کیا ہوا؟ جانیے

ترک قیادت کی تعریف

شہباز شریف کا ترک صدر کی قیادت کو خراجِ تحسین پیش کرتے ہوئے کہنا تھا کہ یہ فیصلہ ان کے امن کے لئے مستقل اور پرعزم جدوجہد کا مظہر ہے۔

پاکستان کا عزم

انہوں نے مزید کہا کہ پاکستان ترکیہ میں دہشتگردی کے خاتمے کے عزم کا اعادہ کرتا ہے اور ہر فورم پر اپنے برادر ملک کے ساتھ مکمل یکجہتی کا اظہار جاری رکھے گا۔ انہوں نے امید ظاہر کی کہ یہ قدم پورے خطے میں امن و استحکام کے لئے مثبت پیش رفت ثابت ہوگا۔