وزیراعظم شہبازشریف کی قومی قیادت کو دعوت ملتوی

وزیراعظم کی دعوت ملتوی

اسلام آباد (ڈیلی پاکستان آن لائن) وزیراعظم شہباز شریف کی جانب سے قومی قیادت کو اسلام آباد میں دی گئی دعوت بعض وجوہات کی بنا پر ملتوی کردی گئی ہے۔

یہ بھی پڑھیں: پیٹرولیم مصنوعات کی قیمتوں میں بھاری کمی کا امکان

کانفرنس کی عدم طلبی

نجی ٹی وی جیو نیوز نے ذرائع کے حوالے سے بتایا کہ وزیراعظم شہباز شریف نے آج کل جماعتی کانفرنس طلب نہیں کی بلکہ قومی قیادت کو مدعو کیا تھا۔

یہ بھی پڑھیں: نئے سال کا پہلا روز، سونے کی قیمت 2400 روپے مزید گر گئی

مہمانوں کی فہرست

ذرائع کے مطابق سیاسی جماعتوں کے رہنماوں کے ساتھ گورنر پنجاب سردار سلیم حیدر، گورنر سندھ کامران خان ٹیسوری، گورنر خیبرپختونخوا فیصل کریم کنڈی، گورنر بلوچستان شیخ جعفر خان مندوخیل اور گورنر گلگت بلتستان سید مہدی شاہ کو بھی ظہرانے میں شرکت کی دعوت دی گئی تھی۔

یہ بھی پڑھیں: ملک میں مہنگائی کی شرح میں اضافہ

دعوت کا مقصد

دعوت کا مقصد اس بات پر اظہار تشکر تھا کہ بھارتی جارحیت کے خلاف پاکستان کی سیاسی جماعتوں کے رہنماوں نے یک زبان ہوکر حکومت اور افواج پاکستان کا بھرپور ساتھ دیا تھا جس کے نتیجے میں قومی وحدت کا تصور مضبوط ہوا تھا۔

یہ بھی پڑھیں: الخدمت فاؤنڈیشن نے این ڈی ایم اے اور حکومت پاکستان کے تعاون سے 100 ٹن کی 31ویں کھیپ غزہ کیلئے روانہ کردی

سیاسی قیادت کی یکجہتی

بھارت کی جانب سے مسلط کی گئی جنگ سے پہلے عام تاثر تھا کہ پاکستان میں سیاسی قیادت شدید اختلافات کا شکار ہے اور حکومت کو بھارت کے خلاف اقدامات میں تمام سیاسی جماعتوں کی بھرپور حمایت ملنا مشکل ہوگا۔ تاہم، بھارت کی یہ خام خیالی بھی اس وقت جاتی رہی جب قومی اسمبلی کے اجلاس میں تمام سیاسی جماعتوں کے رہنماوں نے یک زبان ہوکر افواج پاکستان کا ساتھ دیا اور حکومت کی جانب سے کئے گئے اقدامات کی بھرپور حمایت کی۔

آئندہ کی توقعات

ذرائع کا کہنا ہے کہ ملکی قیادت کو چند روز بعد دعوت دیے جانے کا امکان ہے جس میں سیاسی وحدت کا اظہار کرنے پر اظہار تشکر کیا جائے گا۔