پاکستان نے بھارتی وزیراعظم کے اشتعال انگیز بیانات کو مسترد کر دیا

پاکستان کا بھارتی وزیراعظم کے بیانات پر ردعمل

اسلام آباد (ڈیلی پاکستان آن لائن) - پاکستان نے بھارتی وزیراعظم کے اشتعال انگیز بیانات کو مسترد کرتے ہوئے کہا ہے کہ مودی کا بیان خطے میں امن کی کوششوں کو خطرے میں ڈالنے کے مترادف ہے، جنگ بندی کی خواہش کو پاکستان سے جوڑنا جھوٹ ہے۔

یہ بھی پڑھیں: پاکستان سیریز میں آسٹریلیا کی عدم دلچسپی اور رضوان کے باؤلرز کو تاریخ بدلنے کا ایک اور موقع

ترجمان دفتر خارجہ کا بیان

ڈان نیوز کے مطابق، ترجمان دفتر خارجہ نے کہا کہ بھارتی وزیر اعظم کے بیانات سیاسی موقع پرستی کے عکاس اور خطے میں امن کی کوششوں کو خطرے میں ڈالنے کے مترادف ہیں۔ ترجمان نے مزید کہا کہ پاکستان خطے میں کشیدگی کم کرنے کے لئے پر عزم ہے، جنگ بندی کئی دوست ممالک کی کاوشوں سے ممکن ہوئی ہے۔ جنگ بندی کی خواہش کو پاکستان سے جوڑنا جھوٹ ہے۔

یہ بھی پڑھیں: عالمی اقتصادی فورم کے چیئرمین کلاوس شواب مستعفی

پاکستان کا عالمی کردار

وزارت خارجہ کا کہنا تھا کہ پاکستان پر مایوسی اور ناکامی میں سیز فائر مانگنے کا الزام سراسر جھوٹ ہے۔ انہوں نے کہا کہ پاکستان کا انسداد دہشت گردی میں کردار عالمی سطح پر تسلیم شدہ ہے اور وہ اقوام متحدہ کی قراردادوں اور کشمیری عوام کی خواہشات کے مطابق مسئلہ کشمیر کا پرامن حل چاہتے ہیں۔

یہ بھی پڑھیں: ضلع کرم میں نامعلوم افراد کی فائرنگ سے 2 ایف سی اہلکار شہید

بھارتی وزیراعظم کا خطاب

واضح رہے کہ کل شام بھارتی وزیراعظم نریندر مودی نے پاکستان سے شکست کے بعد بھارتی قوم سے خطاب کیا تھا، جس میں انہوں نے کہا کہ جوہری حملے کی دھمکی سے بلیک میل نہیں ہوں گے۔ مودی نے بھارتی قوم کے غصے کو ٹھنڈا کرنے کے لئے کہا کہ نیو نارمل یہ ہے کہ بھارت خود پر حملے کا فوری جواب دے گا۔

پاکستان میں مذاکرات کی ضرورت

انہوں نے مزید کہا کہ پانی اور خون ساتھ نہیں بہہ سکتے اور تجارت، مذاکرات اور دہشت گردی ساتھ ساتھ نہیں چل سکتے۔ مودی نے بھارتی قوم کو لالی پاپ دیا کہ اگر پاکستان سے مذاکرات ہوئے تو دہشت گردی کے خاتمے پر ہوں گے اور کشمیر پر بات ہوگی تو وہ آزاد جموں و کشمیر پر ہوگی۔