کبھی تو اچھا بول لیا کرو‘‘محمد شامی بھارتی میڈیا پر برس پڑے
محمد شامی کا بھارتی میڈیا پر پھٹنا
نئی دہلی (مانیٹرنگ ڈیسک) بھارتی کرکٹر محمد شامی بھی بھارتی میڈیا پر برس پڑے، انہوں نے فیک نیوز کا سکرین شاٹ لے کر سوشل میڈیا پر پیغام جاری کر دیا۔
غلط خبر کی تشہیر
’’جنگ‘‘ کے مطابق بھارتی صحافی نے روہت شرما اور ویرات کوہلی کے بعد محمد شامی کی ٹیسٹ کرکٹ سے ریٹائرمنٹ کی خبر دی تھی۔
طنز کا جواب
شامی نے سوشل میڈیا پر صحافی کو طنزیہ جواب میں لکھا ’’بہت اچھے مہاراج! اپنی نوکری کے دن بھی گن لو کتنے رہ گئے، ہمارا بعد میں دیکھ لینا۔ آپ جیسے لوگوں نے ہمارے مستقبل کا ستیاناس کیا ہوا ہے، کبھی تو اچھا بول لیا کرو‘‘۔
سب سے خراب کہانی
محمد شامی نے سوشل میڈیا پر یہ بھی لکھا کہ ’’معذرت کے ساتھ، یہ آج کی سب سے خراب سٹوری ہے‘‘.
