بھارت کو دھول چٹانے والے آپریشن پر فلم کا مطالبہ، ایئر وائس مارشل کے کردار کیلئے نام سامنے آگئے

نبیل قریشی سے مداحوں کی اپیل

کراچی (ڈیلی پاکستان آن لائن) پاکستان فلم انڈسٹری کے مشہور ڈائریکٹر نبیل قریشی سے مداحوں نے بھارت کے خلاف پاک فوج کی جانب سے کئے گئے کامیاب آپریشن 'بنیان مرصوص' پر فلم بنانے کی اپیل کر دی۔

یہ بھی پڑھیں: 11 سال کی عمر میں کیا ہوا تھا؟ اداکارہ اور رقاصہ خوشبو نے زندگی کے اہم پہلوؤں سے پردہ اٹھا دیا

سوشل میڈیا پر بحث

نجی ٹی وی جیو نیوز کے مطابق سوشل میڈیا پر ان دنوں بھارتی جارحیت اور مودی حکومت کے جنگی جنون کے خاتمے کیلئے پاکستانی فوج کی جانب سے شروع کئے گئے آپریشن بنیان مرصوص کے چرچے ہیں۔

یہ بھی پڑھیں: 2023 میں ہونے والے یونان کشتی حادثے کا مرکزی ملزم گرفتار

فلم کی تجویز

مداحوں کی جانب سے ڈائریکٹر نبیل قریشی سے اس آپریشن پر فلم بنانے اور ایئر وائس مارشل اورنگزیب احمد کے کردار کو مرکزی حیثیت دیے جانے کا مطالبہ بھی سامنے آگیا ہے۔ ایک صارف نے ایکس پر آپریشن 'بنیان مرصوص' کے حقیقی واقعات پر مبنی فلم بنانے کا مطالبہ کیا، تجویز دی گئی کہ پاکستانی اداکار فواد خان کو ایئر وائس مارشل اورنگزیب احمد کا کردار دیا جائے کیونکہ دونوں میں کافی مشابہت ہے۔

یہ بھی پڑھیں: اپوزیشن لیڈر کی تعیناتی کے معاملے پر اہم پیش رفت، اسپیکر سردار ایاز صادق نے اسمبلی حکام اور آئینی ماہرین سے مشاورت مکمل کرلی

نبیل قریشی کا ردعمل

اس ٹوئٹ کا سکرین شاٹ شیئر کرتے ہوئے نبیل قریشی نے بھی فلم بنانے کے ارادے کا اظہار کیا اور اسے اپنے لئے اعزاز قرار دیا۔ بعد ازاں ایک صارف نے نبیل قریشی کو مشورہ دیا کہ چونکہ فواد خان بھارتی انڈسٹری کا حصہ رہ چکے ہیں، لہٰذا وہ ایئر مارشل اورنگزیب احمد کے کردار کیلئے صحیح انتخاب نہیں۔

یہ بھی پڑھیں: پولیس نے سکول کے باہر ڈیرے ڈالنے والے نشئیوں کو پکڑ کر گنجا کردیا

اداکاروں کی مشاورت

متعدد سوشل میڈیا اکاونٹس کی جانب سے مختلف اداکاروں کی تصاویر شیئر کرتے ہوئے مداحوں سے ایئر مارشل اورنگزیب احمد کے کردار کیلئے رائے بھی طلب کی جا رہی ہے۔ ان تصاویر میں ہمایوں سعید، وہاج، فہد مصطفیٰ اور حمزہ عباسی جیسی شخصیات شامل کی گئی ہیں۔

یہ بھی پڑھیں: روزانہ اخبارات پر نظر ڈالنا اور کم عمر میں لائبریری جانا

آپریشن بنیان مرصوص کا پس منظر

یاد رہے کہ آپریشن بنیان مرصوص کے تحت پاکستان نے بھارت میں متعدد اہداف کو نشانہ بناتے ہوئے ادھم پور ایئربیس، پٹھان کوٹ ایئربیس اور سرسہ ایئربیس کے علاوہ سورت گڑھ ایئرفیلڈز، براہموس سٹوریج سائٹ، بھارتی بریگیڈ ہیڈکوارٹر کے جی ٹاپ اور اڑی میں سپلائی ڈپو سمیت 12 اہداف کو تباہ کردیا تھا۔

یہ بھی پڑھیں: امریکا نے شام پر عائد پابندیاں باضابطہ طور پر اٹھالیں

ایئر وائس مارشل اورنگزیب احمد

بھارت کی جانب سے 7 مئی کی رات پاکستان پر جب فضائی حملہ کیا گیا تو پاکستان نے بروقت اور مؤثر جواب دیتے ہوئے رات کی تاریکی میں میزائل حملوں کے ذریعے معصوم شہریوں کو نشانہ بنانے والے بھارت کے 5 جنگی طیارے پاک فضائیہ نے مار گرائے، جس میں جدید طرز کا فرانسیسی جنگی طیارہ بھی شامل تھا۔