بھارت کو دھول چٹانے والے آپریشن پر فلم کا مطالبہ، ایئر وائس مارشل کے کردار کیلئے نام سامنے آگئے

نبیل قریشی سے مداحوں کی اپیل

کراچی (ڈیلی پاکستان آن لائن) پاکستان فلم انڈسٹری کے مشہور ڈائریکٹر نبیل قریشی سے مداحوں نے بھارت کے خلاف پاک فوج کی جانب سے کئے گئے کامیاب آپریشن 'بنیان مرصوص' پر فلم بنانے کی اپیل کر دی۔

یہ بھی پڑھیں: چیف آف ڈیفنس سٹاف کا عہدہ قائم کیا جائے جس کے ماتحت تمام مسلح افواج ہوں، اشتر اوصاف

سوشل میڈیا پر بحث

نجی ٹی وی جیو نیوز کے مطابق سوشل میڈیا پر ان دنوں بھارتی جارحیت اور مودی حکومت کے جنگی جنون کے خاتمے کیلئے پاکستانی فوج کی جانب سے شروع کئے گئے آپریشن بنیان مرصوص کے چرچے ہیں۔

یہ بھی پڑھیں: پاکستان تحریک انصاف سپین کے زیر اہتمام عمران خان کی حمایت میں ریلی، ڈاکٹر شہباز گل کی خصوصی شرکت

فلم کی تجویز

مداحوں کی جانب سے ڈائریکٹر نبیل قریشی سے اس آپریشن پر فلم بنانے اور ایئر وائس مارشل اورنگزیب احمد کے کردار کو مرکزی حیثیت دیے جانے کا مطالبہ بھی سامنے آگیا ہے۔ ایک صارف نے ایکس پر آپریشن 'بنیان مرصوص' کے حقیقی واقعات پر مبنی فلم بنانے کا مطالبہ کیا، تجویز دی گئی کہ پاکستانی اداکار فواد خان کو ایئر وائس مارشل اورنگزیب احمد کا کردار دیا جائے کیونکہ دونوں میں کافی مشابہت ہے۔

یہ بھی پڑھیں: ڈاکٹر افضل جاوید کو ’’آرڈر آف دی برٹش ایمپائر‘‘ کا اعلیٰ اعزاز مل گیا۔

نبیل قریشی کا ردعمل

اس ٹوئٹ کا سکرین شاٹ شیئر کرتے ہوئے نبیل قریشی نے بھی فلم بنانے کے ارادے کا اظہار کیا اور اسے اپنے لئے اعزاز قرار دیا۔ بعد ازاں ایک صارف نے نبیل قریشی کو مشورہ دیا کہ چونکہ فواد خان بھارتی انڈسٹری کا حصہ رہ چکے ہیں، لہٰذا وہ ایئر مارشل اورنگزیب احمد کے کردار کیلئے صحیح انتخاب نہیں۔

یہ بھی پڑھیں: ایئر انڈیا حادثہ: جہاز کی دیکھ بھال کی ذمہ داری ترک کمپنی کے سپرد ہونے کا بھارتی دعویٰ جھوٹا نکلا

اداکاروں کی مشاورت

متعدد سوشل میڈیا اکاونٹس کی جانب سے مختلف اداکاروں کی تصاویر شیئر کرتے ہوئے مداحوں سے ایئر مارشل اورنگزیب احمد کے کردار کیلئے رائے بھی طلب کی جا رہی ہے۔ ان تصاویر میں ہمایوں سعید، وہاج، فہد مصطفیٰ اور حمزہ عباسی جیسی شخصیات شامل کی گئی ہیں۔

یہ بھی پڑھیں: ستاروں کی روشنی میں آپ کا آج (بدھ) کا دن کیسا رہے گا ؟

آپریشن بنیان مرصوص کا پس منظر

یاد رہے کہ آپریشن بنیان مرصوص کے تحت پاکستان نے بھارت میں متعدد اہداف کو نشانہ بناتے ہوئے ادھم پور ایئربیس، پٹھان کوٹ ایئربیس اور سرسہ ایئربیس کے علاوہ سورت گڑھ ایئرفیلڈز، براہموس سٹوریج سائٹ، بھارتی بریگیڈ ہیڈکوارٹر کے جی ٹاپ اور اڑی میں سپلائی ڈپو سمیت 12 اہداف کو تباہ کردیا تھا۔

یہ بھی پڑھیں: رحیم یار خان ؛مبینہ زیادتی کا شکار لڑکی احتجاجاً اونچی پانی کی ٹینکی پر چڑھ گئی

ایئر وائس مارشل اورنگزیب احمد

بھارت کی جانب سے 7 مئی کی رات پاکستان پر جب فضائی حملہ کیا گیا تو پاکستان نے بروقت اور مؤثر جواب دیتے ہوئے رات کی تاریکی میں میزائل حملوں کے ذریعے معصوم شہریوں کو نشانہ بنانے والے بھارت کے 5 جنگی طیارے پاک فضائیہ نے مار گرائے، جس میں جدید طرز کا فرانسیسی جنگی طیارہ بھی شامل تھا۔