25 سال بعد امریکی اور شامی صدور کا مصافحہ، احمد الشرع کی ڈونلڈ ٹرمپ سے ملاقات

سعودی عرب میں ٹرمپ اور احمد الشرع کی ملاقات

ریاض(ڈیلی پاکستان آن لائن ) شام کے عبوری صدر احمد الشرع کی سعودی عرب میں امریکی صدر ڈونلڈ ٹرمپ سے ملاقات ہوئی ہے۔

ملاقات کی اہمیت

نجی ٹی وی جیونیوز نے غیر ملکی میڈیا کے حوالے سے بتایا کہ امریکی صدر ڈونلڈ ٹرمپ سعودی عرب کے دورے پر ہیں جہاں انہوں نے آج سعودی ولی عہد محمد بن سلمان کی میزبانی میں شام کے عبوری صدر احمد الشرع سے ملاقات کی۔

رپورٹ کے مطابق ڈونلڈ ٹرمپ اور احمد الشرع کی یہ ملاقات اس لئے اہم ہے کہ یہ ملاقات 25 سال بعد شام اور امریکی سربراہان مملکت کی اس طرح کی پہلی ملاقات ہے۔

پابندیاں ہٹانے کا اعلان

واضح رہے کل ہی امریکی صدر ڈونلڈ ٹرمپ نے سعودی عرب میں شام کے اوپر لگائی گئی پابندیاں ہٹانے کا حکم دیا تھا۔

ڈونلڈ ٹرمپ کا کہنا تھا کہ شام کی نئی حکومت کے ساتھ تعلقات کو معمول پر لانے کی کوشش کر رہے ہیں، ایک نئی شروعات کے لئے شام پر سے پابندیاں اٹھائی گئی ہیں۔