فیصل آباد ڈویژن کے سرکاری کالجز، میڈیکل کالجز اور یونیورسٹیوں کے طلباء کیلئے 10 کروڑ روپے سے زائد کے اسکالر شپ کا اعلان

لیپ ٹاپ اور ہونہار سکالر شپ سکیم کا آغاز

فیصل آباد (ڈیلی پاکستان آن لائن) وزیراعلیٰ پنجاب مریم نواز نے فیصل آباد کے تاریخی گورنمنٹ کالج یونیورسٹی میں لیپ ٹاپ اور ہونہار سکالر شپ سکیم کا آغاز کیا۔ یہ سکیم پنجاب میں 8 سال بعد دوبارہ شروع کی گئی ہے۔ وزیراعلیٰ نے فیصل آباد کے طلباء کے لیے 13th جنریشن کور آئی سیون کا شاندار تحفہ دیا۔ فیصل آباد ڈویژن میں ہونہار سکالر شپ فیز ٹو کا بھی آغاز ہوگیا، جہاں طلباء کو لیپ ٹاپ اور ہونہار سکالر شپ کے چیک دیے گئے۔

طلباء کا استقبال

وزیراعلیٰ مریم نواز کی آمد پر فیصل آباد کے طلباء نے بے مثال جوش و خروش سے نعرے اور تالیاں بجائیں۔ وزیراعلیٰ نے تقریب میں آمد پر ہاتھ ہلا کر طلباء کے خیرمقدمی نعروں کا جواب دیا۔ طالبات نے وزیراعلیٰ مریم نواز کو پورٹریٹ اور پینسل سکیچ پیش کیے۔ جی سی یونیورسٹی کی طالبات نے خوبصورت شال کے تحائف بھی پیش کیے۔

ملاقاتیں اور گارڈ آف آنر

وزیراعلیٰ مریم نواز نے فیصل آباد ڈویژن کے ارکان اسمبلی اور ٹکٹ ہولڈرز سے ان کی نشستوں پر جا کر ملاقات کی۔ وزیراعلیٰ اپنی نشست چھوڑ کر طلباء کے درمیان بیٹھ گئیں۔ وزیراعلیٰ کی ہدایت پر طلباء کو لیڈیز پولیس کے چاق و چوبند دستے نے گارڈ آف آنر پیش کیا۔

قومی ترانہ اور اعزازات

وزیراعلیٰ مریم نواز نے طالبعلم محمد عبداللہ رضا کو پر تاثیر تلاوتِ قرآن مجید اور طالبہ کی نعت پیش کرنے پر مبارکباد دی۔ "میری سرحد پہ پہرا ہے ایمان کا"اتنی پختگی سے گایا گیا کہ وزیراعلیٰ نے طلبہ کو انعام دیا۔ تقریب کے دوران وزیراعلیٰ نے طلبہ کی درخواست پر خود بھی قومی ترانے میں شامل ہوگئیں۔

سکالر شپ کی تفصیلات

تقریب میں ہائر ایجوکیشن کے تحت لیپ ٹاپ اور ہونہار سکالر شپ پر خصوصی ڈاکو مینٹری پیش کی گئی۔ ہونہار سکالر شپ فیز ٹو کے تحت 2 سے 5 سال اور تیسرے سے آٹھویں سمیسٹر کے 4075 طلبہ کو سکالر شپ ملیں گے۔ فیصل آباد ڈویژن کے سرکاری کالجز، میڈیکل کالجز اور یونیورسٹیوں کے طلبہ کے لیے 10 کروڑ روپے سے زائد کے سکالر شپ دیے جائیں گے۔

لیپ ٹاپ تقسیم

فیصل آباد ڈویژن میں کالجز کے 1531 طلبہ کو 29 لاکھ، میڈیکل کالجز کے 82 طلبہ کو 4 لاکھ، اور یونیورسٹیز کے 2462 طلبہ کو 67 لاکھ کے سکالر شپ ملیں گے۔ اس کے علاوہ فیصل آباد ڈویژن کے طلبہ کو 5928 لیپ ٹاپ دیے گئے، جن میں سرکاری یونیورسٹیوں کے طلبہ کو 4224، میڈیکل کالج کے 319 طلبہ، اور کالجز کے 1385 طلبہ شامل ہیں۔

طالبات کی طرف سے شکریہ

طالبات نادیہ انور اور عثمان تبسم نے لیپ ٹاپ سکیم اور ہونہار سکالر شپ پر وزیراعلیٰ کو خراج تحسین پیش کیا۔ وزیر اعلیٰ طلبہ میں گھل مل گئیں، طالبات سے ہاتھ ملائے اور سیلفیاں بنوائیں۔ وزیراعلیٰ مریم نواز نے طلبہ کے ساتھ ملکر "پاکستان زندہ باد" کا فلک شگاف نعرہ لگایا۔