کراچی میں مبینہ پولیس مقابلہ، 1 ڈاکو مارا گیا، 4 گرفتار

کراچی میں پولیس مقابلے

کراچی (ڈیلی پاکستان آن لائن) شہر قائد میں دو مبینہ پولیس مقابلوں کے دوران ایک ڈاکو مارا گیا جبکہ چار کو گرفتار کر لیا گیا۔

یہ بھی پڑھیں: وزیر اعلیٰ مریم نواز کی زیر صدارت اجلاس، مقامی معززین پر مشتمل مزید مؤثر مسجد مینجمنٹ کمیٹیوں کے قیام پر اتفاق، مدارس کا ڈیٹا، مساجد کی جیو ٹیکنگ مکمل۔

پہلا واقعہ: شمالی کراچی

نجی ٹی وی دنیا نیوز کے مطابق پہلا واقعہ شمالی کراچی کے علاقے شادمان ٹاﺅن شارع نور جہاں تھانے کی حدود میں پیش آیا۔ یہاں مبینہ پولیس مقابلے کے دوران ایک ڈاکو ہلاک جبکہ دوسرا زخمی حالت میں پکڑا گیا۔

ہلاک ڈاکو کی شناخت مظفر علی مگسی جبکہ زخمی ملزم کی شناخت اعجاز کے نام سے ہوئی ہے۔ پولیس نے ملزمان کے قبضے سے اسلحہ، موبائل فونز اور موٹرسائیکل برآمد کر لی ہے۔

یہ بھی پڑھیں: کراچی: شاہ فیصل کالونی میں گھر میں آتشزدگی، ماں بیٹی جھلس کر جاں بحق

دوسرا واقعہ: سرجانی ٹاؤن

دوسرا مقابلہ سرجانی ٹاﺅن کے بھینس کالونی روڈ پر پیش آیا، جہاں مبینہ پولیس مقابلے کے بعد دو زخمی ڈاکوﺅں سمیت تین ملزمان کو گرفتار کیا گیا۔

زخمی ملزموں کو ہسپتال منتقل کر دیا گیا جہاں ان کی شناخت محمد عظیم اور جاوید کے نام سے ہوئی جبکہ تیسرے ملزم نے اپنا نام بلال احمد بتایا۔

گرفتار ملزمان سے تفتیش

پولیس کے مطابق گرفتار ملزمان کے قبضے سے دو پستول، آٹھ چھینے گئے موبائل فون اور ایک موٹرسائیکل برآمد ہوئی ہے۔ تمام گرفتار ملزمان سے مزید تفتیش جاری ہے اور ان کے کرمنل ریکارڈ کی بھی جانچ کی جا رہی ہے۔