پنجاب سے سینیٹ کی خالی ہونے والی نشست پر امیدواروں کے کاغذات نامزدگی جمع
خالی سینٹ کی نشست کا معاملہ
لاہور (ڈیلی پاکستان آن لائن) پنجاب سے سینیٹ کی خالی ہونے والی نشست کے لیے چار امیدواروں نے کاغذات نامزدگی جمع کرادیئے ہیں۔ سترہ مئی کو کاغذات کی جانچ پڑتال ہوگی۔
یہ بھی پڑھیں: حلالہ سینٹرز کے کاروبار: نادیہ خان دوبارہ سوشل میڈیا پر بحث کا موضوع
امیدواروں کی تفصیلات
نجی ٹی وی سما نیوز کے مطابق، پنجاب میں پروفیسر ساجد میر کے انتقال کے سبب خالی ہونے والی سینٹ کی نشست پر انتخابات کے لیے مجموعی طور پر چار امیدواروں نے کاغذات نامزدگی جمع کرائے۔ مسلم لیگ ن کی طرف سے جمعیت اہل حدیث کے ناظم اعلیٰ حافظ عبدالکریم، تحریک انصاف کی جانب سے کرنل ریٹائرڈ اعجاز منہاس، خدیجہ صدیقی ایڈووکیٹ اور مہر عبدالستار نے کاغذات جمع کرائے۔
کاغذات کی جانچ پڑتال اور انتخابات کی تاریخ
ریٹرننگ آفیسر صوبائی الیکشن کمشنر شریف اللہ نے کاغذات وصول کیے ہیں۔ تمام امیدواروں کو سترہ مئی کو کاغذات نامزدگی کی جانچ پڑتال کا وقت دیا گیا ہے، جبکہ الیکشن انتیس مئی کو ہوں گے۔
