زمین پھٹی نہ آسمان گرا، پنجاب میں شہری پر بدترین تشدد کی ویڈیو وائرل، پولیس خاموش، سوشل میڈیا پر ہنگامہ برپا ہوگیا

سرگودھا میں تشدد کا واقعہ

سرگودھا (ویب ڈیسک) بھلوال کے علاقے نبی شاہ بالا میں گھر کا کام نہ کرنے پر بااثر افراد نے اپنی ہی عدالت لگا لی اور غریب محنت کش کو بدترین تشدد کا نشانہ بنایا جس کی ویڈیو بھی سامنے آچکی ہے لیکن انتظامیہ کی طرف سے تاحال کسی ایکشن یا گرفتاری وغیرہ کی تصدیق نہیں ہوسکی۔

یہ بھی پڑھیں: بیٹی کو بستر کی دراز میں تین سال تک چھپانے والی ماں: ’بچی کے اعضاء مڑے ہوئے اور جسم پر نشانات تھے‘

تشدد کا بدترین واقعہ

سوشل میڈیا پر دستیاب معلومات کے مطابق کلیم شاہ، عقیل شاہ اور عقیل اعوان کا تعلق نبی شاہ بالا بھلوال سے ہے جو مزدور ترکھان کو گھر سے اغواء کرکے ڈیرے پر لے گئے۔ جہاں انسان کے بھیس میں موجود ان درندوں نے اسے بدترین تشدد کا نشانہ بنایا اور ویڈیو بھی بنائی جاتی رہی، ساتھ گالم گلوچ بھی کیا گیا، یہ ویڈیو انٹرنیٹ پر تیزی سے وائرل ہورہی ہے۔

یہ بھی پڑھیں: پنجاب میں 16 جنوری تک شدید سردی کی پیشگوئی، لاہور میں درجہ حرارت 3ریکارڈ

ملزمان کا پس منظر

مقامی ذرائع کا کہنا ہے کہ بااثر ملزمان کا ایک بھائی قتل، اقدام قتل کے مقدمہ میں گزشتہ سات سال سے اشتہاری ہے اور ان کی علاقے میں ایسی حرکات کوئی نئی بات نہیں، بعض اطلاعات کے مطابق منشیات فروشی میں بھی ملوث ہیں۔ تاہم سرکاری طور پر اس کی تصدیق نہیں ہوسکی، البتہ یہ بات وثوق سے کہی جاسکتی ہے کہ پولیس کی ملی بھگت کے بغیر ٹیکنالوجی کے موجودہ دور میں کوئی اشتہاری اتنا عرصہ قانون کو چکمہ نہیں دے سکتا۔

یہ بھی پڑھیں: ایران میں بھارتی سفارتخانے نے تمام بھارتی شہریوں کو ایران چھوڑنے کی ہدایت کر دی

سوشل میڈیا پر ردعمل

اس ویڈیو پر بھی شہری ان ملزمان کی گرفتاری اور متاثرہ شخص کو انصاف فراہم کرنے کے لیے آواز بلند کرتے دکھائی دیے۔ کسی نے ملزمان کی فوری گرفتاری کا مطالبہ کیا تو کسی نے قانون کی ہی کمزوری گردانی۔