65ہزار عازمین کو حج کی اجازت کیلئے سعودی عرب کو لکھے گئے خط کا جواب نہیں آیا؛وزیر مذہبی امور

حج کی اجازت کے حوالے سے تازہ ترین اطلاعات

اسلام آباد(ڈیلی پاکستان آن لائن) وزیر مذہبی امور سردار یوسف نے کہا ہے کہ 65 ہزار عازمین کو حج کی اجازت کے لیے سعودی عرب کو لکھے گئے خط کا جواب نہیں آیا۔

یہ بھی پڑھیں: نیتوکپور نے اپنے آنجہانی شوہر رشی کپور کے بارے میں حیران کن انکشاف کر دیا

حج کی قوالیفکیشن اور درخواستیں

نجی ٹی وی چینل جیو نیوز کے مطابق سردار یوسف نے ایوان میں اظہار خیال کرتے ہوئے کہا کہ جج کوٹہ 1 لاکھ 89 ہزار کا تھا، جس میں 50 فیصد سرکاری اور 50 فیصد پرائیویٹ کوٹہ شامل تھا۔ حج کے لیے درخواست دینے کی تاریخ 14 فروری تھی۔ جن کمپنیوں نے رقم جمع کرادی، انہیں وہاں جگہ مل گئی۔

یہ بھی پڑھیں: ٹام کروز کی اپنی ایجنٹ کے ساتھ ڈیٹنگ کی افواہیں زور پکڑ گئیں

تاریخ میں توسیع کا مطالبہ

وزیر مذہبی امور کا کہنا تھا کہ ہم نے سعودی حکومت سے درخواست کی کہ تاریخ میں توسیع کی جائے۔ کمپنیوں کو پیسے جمع کرانے کے لیے 48 گھنٹے دیے گئے جس پر 23 ہزار حاجیوں نے رقم جمع کرائی۔ ہماری 1 لاکھ 15 ہزار حاجیوں کو اجازت مل گئی ہے۔

سعودی عرب کو خط اور جواب کی عدم موجودگی

انہوں نے مزید کہا کہ سعودی عرب کو خط لکھا کہ ہمارے 65 ہزار عازمین کو حج کی اجازت دیں، لیکن ابھی تک سعودی عرب کی جانب سے جواب نہیں آیا۔ دنیا کے ساڑھے 3 لاکھ افراد کو حج کی اجازت نہیں مل سکی۔