پچھلے روز کے مقابلے میں پاکستانی دریاﺅں میں پانی کی آمد میں کمی

اسلام آباد (ڈیلی پاکستان آن لائن) گزشتہ روز کے مقابلے میں پاکستانی دریاؤں میں پانی کی آمد میں کمی دیکھی گئی ہے۔

واپڈا کا بیان

نجی ٹی وی جیو نیوز کے مطابق ترجمان واٹر اینڈ پاور ڈویلپمنٹ اتھارٹی (واپڈا) کا کہنا ہے کہ منگلا پر دریائے جہلم میں پانی کی آمد 37 ہزار 300 کیوسک اور اخراج 28 ہزار کیوسک ہے۔ چشمہ بیراج میں پانی کی آمد ایک لاکھ 26 ہزار 200 کیوسک اور اخراج ایک لاکھ 14 ہزار کیوسک ہے۔

دیگر دریاؤں کی صورتحال

اس کے علاوہ چناب میں پانی کی آمد 2700 کیوسک کم ہو گئی، جس کے بعد اب دریا میں پانی کی آمد 20 ہزار 500 کیوسک اور اخراج 5 ہزار 100 کیوسک ہے جبکہ دریائے کابل میں پانی کی آمد 34 ہزار 900 اور اخراج 34 ہزار 900 کیوسک ہے۔

ریزرور کی پانی کی سطح

ترجمان واپڈا کے مطابق تربیلاریزروآئر میں پانی کی سطح 1464.93 فٹ اور پانی کا ذخیرہ 16 لاکھ 5 ہزار ایکڑ فٹ ہے، منگلا ریزروائر میں پانی کی سطح 1145.95 فٹ اور پانی کا ذخیرہ 15 لاکھ 52 ہزار ایکڑ فٹ ہے۔

مجموعی پانی کا ذخیرہ

ترجمان نے بتایا کہ چشمہ ریزروائر میں پانی کی سطح 648.10 فٹ اور پانی کا ذخیرہ 2 لاکھ 63 ہزار ایکڑ فٹ ہے۔ تربیلا، منگلا اور چشمہ ریزروائر میں پانی کا مجموعی ذخیرہ 34 لاکھ 20 ہزار ایکڑ فٹ ہے۔