وزیر خارجہ اسحاق ڈار سے برطانوی ہم منصب ڈیوڈ لیمی کی ملاقات، پاک بھارت جنگ بندی پر بات چیت

وزیر خارجہ اسحاق ڈار اور برطانوی ہم منصب کی ملاقات

اسلام آباد(ڈیلی پاکستان آن لائن) وزیر خارجہ اسحاق ڈار سے برطانوی ہم منصب ڈیوڈ لیمی نے ملاقات کی۔ اس دوران جنوبی ایشیا میں حالیہ پیشرفت، بالخصوص پاک بھارت جنگ بندی کے بعد کی صورتحال پر تبادلہ خیال کیا گیا۔ دفتر خارجہ کے مطابق، اسحاق ڈار نے سیکرٹری خارجہ لیمی کا پاکستان کے پہلے سرکاری دورے پر پرتپاک استقبال کیا اور انہیں بھارت کے بلااشتعال اور جنگجوانہ اقدامات سے آگاہ کیا۔

یہ بھی پڑھیں: کوئٹہ گلیڈی ایٹرز کے خلاف لاہور قلندرز کی بیٹنگ جاری

پاکستان کی خودمختاری کا دفاع

اسحاق ڈار نے کہا کہ یہ اقدامات ملکی خودمختاری، بین الاقوامی قانون اور اقوام متحدہ کے چارٹر کی خلاف ورزی ہیں۔ پاکستان نے اقوام متحدہ کے چارٹر کے آرٹیکل 51 کے تحت اپنے دفاع کا حق استعمال کیا۔ اسحاق ڈار کا کہنا تھا کہ پاکستان کا ردعمل محدود، عین مطابق اور متناسب رہا ہے۔ شہری ہلاکتوں سے بچنے کے لیے پوری احتیاط برتی گئی۔

یہ بھی پڑھیں: آئی ایم ایف سے قرض کی دوسری قسط کی منظوری، انٹربینک میں ڈالر کی قیمت میں بڑی کمی

برطانیہ کا تعمیری کردار

نائب وزیر اعظم اسحاق ڈار نے صورتحال کو کم کرنے میں مدد کرنے میں برطانیہ کی تعمیری اور نتیجہ خیز مصروفیت کو سراہا۔ فریقین نے مزید کشیدگی روکنے اور علاقائی امن و استحکام برقرار رکھنے کے لیے پائیدار مذاکرات کی اہمیت پر زور دیا۔ ترجمان دفتر خارجہ کے مطابق، فریقین نے پاک برطانیہ دوطرفہ تعلقات پر بھی وسیع پیمانے پر بات چیت کی۔

تجارتی اور ترقیاتی تعلقات

اسحاق ڈار نے تجارت، اقتصادی تعاون اور ترقیاتی شراکت داری میں مسلسل پیشرفت پر اطمینان کا اظہار کیا۔ انہوں نے ترجیحی شعبوں بشمول تعلیم، صحت اور موسمیاتی لچک میں برطانیہ کی گرانقدر حمایت کا اعتراف کیا۔ ماحولیاتی کارروائی اور پائیدار ترقی سمیت باہمی دلچسپی کے شعبوں میں تعاون کے مشترکہ عزم کا اعادہ کیا گیا۔ فریقین نے پاکستان اور برطانیہ کے درمیان پائیدار تعلقات کو مزید مستحکم کرنے کے عزم کا اعادہ کیا۔